Forbes-ის ვერსიით, 2017 წელს მსოფლიოში 2043 მილიარდერი ცხოვრობს, ერთი წლის წინ კი მათი რიცხვი 1810 იყო. მილიარდერების ქონება ბოლო ერთი წლის განმავლობაში 6,5 ტრილიონიდან 7,7 ტრილიონ დოლარამდე გაიზარდა. ასევე გაიზარდა მათი საშუალო ქონების მოცულობა – 3,6-დან 3,8 მილიარდ დოლარამდე. მსოფლიოში ყველაზე მეტი მილიარდერი ამერიკის შეერთებულ შტატებში ცხოვრობს, სადაც გასულ წელს მილიარდერთა რაოდენობაც და მათი ქონებაც გაიზარდა.

„კომერსანტი” გთავაზობთ Forbes.ru-ის რეიტინგს

1. ამერიკის შეერთებული შტატები

მილიარდერების რაოდენობა – 565
ჯამური ქონება – 2, 8 ტრილიონი დოლარი
ქვეყნის მშპ – 18,6 ტრილიონი დოლარი

აშშ-ს ყველაზე მდიდარი ადამიანი არის ბილ გეიტსი. მისი ქონება შეადგენს 86 მლრდ. დოლარს და ის არის უმდიდრესი ადამიანია მსოფლიოში.

2. ჩინეთი

მილიარდერების რაოდენობა – 319
ჯამური ქონება – 809 მილიარდი დოლარი
ქვეყნის მშპ – 11,1 ტრილიონი დოლარი

ჩინეთის ყველაზე მდიდარი ადამიანია ვან ცზიალინი. 2017 წელს მისმა ქონებამ შეადგინა 31,2 მილიარდი დოლარი. მან ფული უძრაც ქონებაზე და გართობაზე იშოვა, ის ფლობს კომპანია Dalian Wanda Group-ს. ის ინარჩუნებს ჩინეთის ყველაზე მდიდარი ადამიანის წოდებას უკვე 4 წელი.

3. გერმანია

მილიარდერების რაოდენობა – 114
ჯამური ქონება – 467,8 მილიარდი დოლარი
ქვეყნის მშპ – 3,5 ტრილიონი დოლარი

ქვეყნის ყველაზე მდიდარი ადამიანები არიან კარლ ალბრეხტი და ბეატე ჰაისტერი (27-27 მლრდ. დოლარი). ისინი ფლობენ სავაჭრო ქსელ Aldi Sud-ს.

4. რუსეთი

მილიარდერების რაოდენობა – 96
ჯამური ქონება – 386, 3 მილიარდი დოლარი
ქვეყნის მშპ – 1.2 ტრილიონი დოლარი

ქვეყნის ყველაზე მდიდარი ადამიანია კომპანია Новатэк-ის სამეთვალყურეო საბჭოს თავჯდომარე ლეონიდ მიხელსონი. ის ინარჩუნებს ამ სტატუსს უკვე მე-2 წელი. 2017 წელს მიხელსონის ქონებამ შეადგინა 18,4 მილიარდი დოლარი.

5. ინდოეთი

მილიარდერების რაოდენობა – 101
ჯამური ქონება – 325,2 მილიარდი დოლარი
ქვეყნის მშპ – 2,3 ტრილიონი დოლარი

ქვეყნის ყველაზე მდიდარი ადამიანი 2003 წლიდან არის მუკეშ ამბანი. მისი ქონება შეადგენს 23, 2 მილიარდ დოლარს. ფლობს ნავთობქიმიურ ჰოლდინგ Reliance Industries, რომელიც შექმნა მამამისმა.

6. ჰონკონგი

მილიარდერების რაოდენობა – 68
ჯამური ქონება – 272,1 მილიარდი დოლარი
ქვეყნის მშპ – 365 მილიარდი დოლარი

ჰონკონგის ყველაზე მდიდარი ადამიანია ლი კაშინი (31,2 მლრდ. დოლარი). მას ეკუთვნის დეველოპერული კომპანია Cheung Kong Property. 2016 წელს მან ჩადო ინვესტიციები ჩინეთის საფოსტო ბანკში, ბოლო 5 წლის განმავლობაში დააბანდა 28 მილიარდი დოლარი ევროპულ კომპანიებში.

7. ბრაზილია

მილიარდერების რაოდენობა – 47
ჯამური ქონება – 172,1 მილიარდი დოლარი
ქვეყნის მშპ – 1,8 ტრილიონი დოლარი

ბრაზილიის ყველაზე მდიდარი ადამიანია ხორხე პაული ლემანი – მისი ქონება შეადგენს 22, 9 მილიარდ დოლარს. ის ფლობს მსოფლიოს უმსხვილესი ლუდსახარში კომპანიის Anheuser-Busch InBev, Kraft Heinz-ის და Burger King – Restaurant Brands International-ის აქციებს. ამჟამად ცხოვრობს შვეიცარიაში

8. დიდი ბრიტანეთი

მილიარდერების რაოდენობა – 55
ჯამური ქონება – 164,4 მილიარდი დოლარი
ქვეყნის მშპ – 2,6 ტრილიონი დოლარი

ბრიტანეთის ყველაზე მდიდარი ადამიანები არიან ინდოელი

ძმები შრი და გოპი ჰინჯუა – თითოს ქონება შეადგენს 15,4 მლრდ. დოლარს. ძმები ფლობენ კომპანია Hinduja Group-ს, რომელიც მუშაობს საავტომობილო და თავდაცვით მრეწველობაში.

9. ესპანეთი

მილიარდერების რაოდენობა – 25
ჯამური ქონება – 124,7 მილიარდი დოლარი
ქვეყნის მშპ – 1,2 ტრილიონი დოლარი

ესპანეთის ყველაზე მდიდარი ადამოიანი – ამანსიო ორტეგა (71,3 მილიარდ დოლარი), არის არა მხოლოდ ესპანეთის, არამედ ევროპის უმდიდრესი ადანიანი. მისი სიმდიდრის ძირითადი წყაროა 1975 წელს მის მიერ შექმნილი კომპანია Zara.

10. შვედეთი

მილიარდერების რაოდენობა – 31

ჯამური ქონება – 117,5 მილიარდი დოლარი
ქვეყნის მშპ – 510 მილიარდი დოლარი

შვედეთის ყველაზე მდიდარი ადამიანია ქსელის H&M -ის დირექტორთა საბჭოს თავჯდომარე სტეფან პერსონი. მისი ქონება შეადგენს 19, 9 მილიარდ დოლარს. კომპანია შექმნა მამამისმა ერლინგ პერსონმა.

11. მექსიკა

მილიარდერების რაოდენობა – 15
ჯამური ქონება – 116. 7 მილიარდი დოლარი
ქვეყნის მშპ – 1 ტრილიონი დოლარი

მექსიკის ყველაზე მდიდარი ადამიანია კარლოს სლიმ ელუ (54,5 მლრდ.). 2017 წელს ის პირველად ამოვარდა მსოფლიოს უმდიდრეს ადამიანთა ხუთეულიდან, თუმცა ის მაინც ყველაზე მდიდარია საკუთარ ქვეყანაში. სლიმი და მისი ოჯახი აკონტროლებენ ლათინურ ამერიკაში კავშირგაბმულობის უმსხვილეს ოპერატორს America Movil-ს.

12. სამხრეთ კორეა

მილიარდერების რაოდენობა – 38
ჯამური ქონება – 92,7 მილიარდი დოლარი
ქვეყნის მშპ – 1,4 ტრილიონი დოლარი

Samsung-ის ირგვლივ განვითარებული კორუფციული სკანდალების მიუხედავად, კომპანიის დირექტორთა საბჭოს თავჯდომარე ლი გონხი მაინც რჩება ქვეყნის უმდიდრესი ადამიანად. მისი ქონება შეაგდენს 15,1 მლრდ. დოლარს. თუმცა, სავარაუდოდ, ეს მას არც თუ ისე ახარებს – 2014 წლის მაისიდან ის იმყოფება კომაში გადატანილი ინფარქტის შემდეგ.

13. ავსტრალია

მილიარდერების რაოდენობა – 33
ჯამური ქონება – 91 მილიარდი დოლარი
ქვეყნის მშპ – 1,2 ტრილიონი დოლარი

ავსტრალიის ყველაზე მდიდარი ადამიანია ჯორჯინა რაინჰარტი (15 მლრდ. დოლარი). ის ასევე შედის მსოფლიოს უმდიდრეს ქალთა ათეულში. მისი სიმდიდრის წყაროა მამამისის მიერ შექმნილი სამთომომპოვებელი კომპანია Hancock Prospecting-ი.

14. სამხრეთ აფრიკა

მილიარდერების რაოდენობა – 8
ჯამური ქონება – 26,6 მილიარდი დოლარი
ქვეყნის მშპ – 292 მილიარდი დოლარი

ქვეყნის ყველაზე მდიდარი ადამიანია ალმასების მაგნატი, კომპანია De Beers-ის ხელმძღვანელი ნიკი ოპენგეიმერი. მისი ქონება შეადგენს 7 მლრდ. დოლარს

15. არგენტინა

მილიარდერების რაოდენობა -7
ჯამური ქონება – 12,4 მილიარდი დოლარი
ქვეყნის მშპ – 542 მილიარდი დოლარი

ქვეყნის უმდიდრესი ადამიანია ნავთობკომპანია Bridas-ის მფლობელი ალეჰანდრო ბულგერონი – მისი ქონება შეადგენს 3,3 მლრდ. დოლარის. ალეჰანდრო გახდა არგენტინის უმდიდრესი ადამიანი 2016 წლის სექტემბერში მისი ძმის კარლოსის სიკვდილის შემდეგ.

დატოვეთ კომენტარი

კომენტარები

Загрузка...