ამერიკელი მილიარდერი, Microsoft–ის დამფუძნებელი ბილ გეიტსი აშშ–ში ბოლო დროს გაჟღერებული საგადასახადო რეფორმის კრიტიკით გამოვიდა, რომელიც, მისი აზრით კორპორაციებისა და ძალიან მდიდარი ადამიანებისთვისაა ხელსაყრელი.

ამის შესახებ მილიარდერმა CNN-თან ინტერვიუში განაცხადა.

კერძოდ, გეიტსი დარწმუნებულია, რომ მდიდარმა ამერიკელებმა, როგორიც თავად არის, მნიშვნელოვნად მაღალი გადასახადები უნდა გადაიხადონ. „მე მინდა მეტი გადასახადის გადახდა“, – თქვა გეიტსმა.

„მე ყველაზე მეტი გადასახადი მაქვს გადახდილი – $10 მლრდ–ზე მეტი, მაგრამ ჩემნაირი შეძლებული ადამიანებისგან ხელისუფლებამ უფრო მაღალი გადასახადი უნდა მოითხოვოს“, – განაცხადა მან.

ბილ გეიტსი, ბოლო მონაცემებით, მსოფლიოში მეორე უმდიდრესი ადამიანია, Amazon.com-ის დამფუძნებლისა და ხელმძღვანელის ჯეფ ბეზოსის შემდეგ.

კორპორაციებისთვის მოგების გადასახადის შემცირებასთან დაკავშირებით ბილ გეიტსმა განაცხადა, რომ ეს არის „რეგრესული, და არა პროგრესული“ რეფორმა. მისი აზრით, ამის ყველაზე შეძლებული ამერიელები მიიღებენ შეღავათებს. თუმცა, რესპუბლიკურ პარტიაში აცხადებენ, რომ საგადასახადო რეფორმა რიგით ამერიკელებზე დადებითად აისახება.

m2b.ge

დატოვეთ კომენტარი

კომენტარები

Загрузка...