ფილიპინების პრეზიდენტი როდრიგო დუტერტე დაჯგუფება “აბუ საიფის” ტერორისტებს დაემუქრა. “მე თქვენს ღვიძლს შევჭამ, თუ ასე გსურთ. უბრალოდ ცოტა მარილს და ძმარს დავამატებ და შევჭამ პირდაპირ თქვენს თვალწინ”, – განაცხადა დუტერტემ.

მისი აღშფოთება, სიკვდილით დასჯილი ვიეტნამელი მეზღვაურების ცხედრება გამოიწვია, რომელიც ქვეყნის ჩრდილოეთ ნაწილში იპოვნეს.

მან ხაზი გაუსვა იმას, რომ ტერორისტების მიერ უცხოელი ტყვეების მკვლელობა, ფილიპინების დიდი სირცხვილია.

დუტერტე ტერორისტებს ამგვარი ფორმით პირველად არ ემუქრება. გასული წლის დეკემბერში, ქვეყნის პრეზიდენტმა აღიარა, რომ პირადად ჰყავს მოკლული ტერორისტი, როდესაც ქალაქი დავაოს მერი იყო.

“აბუ საიფი”, ფილიპინებში ცნობილი დაჯგუფებაა, რომლებიც იტაცებენ ადამიანებს ფულის გამოძალვის მიზნით. რამდენიმე თვის წინ, მათ მხარი “ისლამურ სახელმწიფოს” დაუჭირეს.

დატოვეთ კომენტარი

კომენტარები

Загрузка...