ცნობილია, რომ  მიტროპოლიტი სერაფიმე, რომელიც ბორჯომ-ბაკურიანის ყოფილი  მეუფეა, გერმანიისა და ავსტრიის ეპარქიის მღვდელმთავრად დაინიშნა, თუმცა იქაურმა სამღვდელოებამ და მრევლმა პროტესტი გამოთქვა, მის დანიშვნასთან დაკავშირებით, იმ მიზეზით, რომ მათ არ სურთ  „გამოძევებული“ მღვდელმთავარი ჰყავდეთ ეპარქიაში. ამ ფაქტს კი თავის მხრივ, ბორჯომელთა აღშფოთება მოჰყვა, შეიქმნა გვერდი ფეისბუქზე, სახელწოდებით „ბორჯომის მრევლი“ , რომელზეც  უამრავი ბორჯომელი აფიქსირებს საკუთარ მოსზრებას.
ამ გვერდზევე გამოქვეყნდა ასეთი მიმართვაც:

ბორჯომის საზოგადოების და მრევლის განცხადება!

ქალაქ ბორჯომის მოსახლეობა, საზოგადოება, სასულიერო და სამონაზვნო დასის უმრავლესობა შეშფოთებულია მამა თამაზ ლომიძის განცხადებით.
ჩვენში გამოიწვია აღშფოთება – დეკანოზი თამაზის (ლომიძე), არქიმანდრიტი ისეს (გელაშვილი) და არქიმანდრიტი იოანეს (სილაგაძე) განცახდებამ, რომლებიც სოციალური ქსელში აცხადებენ, რომ ბორჯომის მრევლმა და საზოგადოებამ მეუფე სერაფიმე გამოაძევა ბორჯომისა და ბაკურიანის ეპარქიიდან. ჩვენთვის საინტერესოა, თუ ეს ცრუ ინფორმაცია ვისგან მიიღეს ზემოთ ხსენებულმა მოძღვრებმა?! მათ მიერ გავრცელებულმა განცხადებამ ბორჯომის მოსახლეობას შეურაცხყოფა მიაყენა.
ჩვენ, დედა ეკლესიის ერთგული მრევლი და საზოგადოება ვიკრიბებით მეუფე სერაფიმესა და ბორჯომის საზოგადოების ღირსების დასაცავად!
ჩვენ მოვითხოვთ ცრუ ინფორმაციის გავრცელებისთვის საჯაროდ ბოდიშის მოხდას. ჩვენ ყოველთვის ვემორჩილებოდით და ვემორჩილებით სრულიად საქართველოს კათალიკოს- პატრიარქის, უწმინდესისა და უნეტარესის ილია მეორის გადაწყვეტილებას!
ვინც იზიარებს ამ განცხადებას და თავს გრძნობს შეურაცხყოფილად, ყველა ვიკრიბებით დედა ეკლესიის დასაცავად, რათა გამოვხატოთ მშვიდობიანი პროტესტი.
21 იანვარს, შაბათს, 13:00 საათზე, ქალაქის ცენტრში
(ყოფილი გამგეობის მიმდებარე ტერიტორია)

21 იანვრის მოლოდინში მყოფ ბორჯომელებს კი მეუფე სერაფიმემ დღეს წერილით მიმართა:
“ბოლო დროს განვითარებულმა მოვლენებმა კიდევ ერთხელ ნათელი გახადა ჩემთვის, რომ უმჯობესია გავერიდო არსებულ სიტუაციას. რადგან ჩემთან დაკავშირებული გარკვეული ქმედებები ხდება მიზეზი ეკლესიაში შფოთის შემოტანისა და დაპირისპირების ახალი კერების გაჩენისა, ამიტომაც უარს ვამბობ გერმანიისა და ავსტრიის ეპარქიაში გამგზავრებაზე.
მსურს ჩემთვის ვიყო და ვილოცო. მე მადლობას ვუხდი ბორჯომ-ბაკურიანის ეპარქიის ყველა სასულიერო პორს და მრევლს, მიუხედავად მათი პოზიციისა და ყველას გთხოვთ: დღეს ჩემი მხარდაჭერა არის ყოველგვარი მიტინგებისა და გამოსვლებისაგან თავის შეკავება, ხოლო ვინც საპირისპიროს მოიმოქმედებს და გააკეთებს, ზიანს მოუტანს ყველას.
ჩვენ ყველანი უნდა დავრჩეთ საქართველოს ეკლესიის ერთგულ შვილებად და ამისთვის თითოეულმა ჩვენგანმა თავისი ნაბიჯი უნდა გადადგას.
მიტროპოლიტი სერაფიმე (ჯოჯუა)”

meufis werili

დატოვეთ კომენტარი

კომენტარები

Загрузка...