„მე ვფიქრობ, ჩემი აზრია და ალბათ, საქართველოს მოსახლეობის უმეტესობა ასე ფიქრობს, რომ ერთადერთი შემაკავებელი ფაქტორი იმისა, რომ ჩვენი ტერიტორიების ოკუპაცია არ მოხდეს, არის შეერთებული შტატები, ჩვენი სტრატეგიული პარტნიორი“- ამის შესახებ მეუფე იაკობმა „რუსთავი 2- თან“ ინტერვიუში განაცხადა.

მეუფე იაკობი ამერიკის შეერთებულ შტატებში ვიზიტით იმყოფება.

„მე ვფიქრობ, ჩემი აზრია და ალბათ, საქართველოს მოსახლეობის უმეტესობა ასე ფიქრობს, რომ ერთადერთი შემაკავებელი ფაქტორი იმისა, რომ ჩვენი ტერიტორიების ოკუპაცია არ მოხდეს, არის შეერთებული შტატები, ჩვენი სტრატეგიული პარტნიორი. ამიტომ, მასთან ურთიერთობა არის ჩვენთვის ძალიან მნიშვნელოვანი.

ასევე მნიშვნელოვანია, გვნახონ ჩვენ, გაგვიცნონ. ჩვენზე ათასი ჭორი თუ მართალი ითქმევა ხოლმე და მიგვაბამენ ხოლმე რაღაც სივრცეს, მაგრამ ყველამ იცოდეთ, რომ ქართული ეკლესია ყოველთვის იქნება იქ, სადაც სჭირდება საქართველოს, სადაც სჭირდება საქართველოს ტერიტორიის გამთლიანებას“- განაცხადა მეუფე იაკობმა.

შეგახსენებთ, მაღალი იერარქიის სასულიერო პირები ვიზიტით ვაშინგტონში იმყოფებიან.  “განვითარებისა და დემოკრატიის ცენტრის” (CDD-ს) ინფორმაციით,  ვიზიტის პირველ დღეს დელეგაციის წევრებმა ღირშესანიშნაობები მოინახულეს; ეწვივნენ კაპიტოლიუმს, ვაშინგტონის მონუმენტსა და ლინკოლნის მემორიალს.

news.ge

დატოვეთ კომენტარი

კომენტარები

Загрузка...