30 ივნისს, “ბარსელონას” არგენტინელი ვარსკვლავი ლიონელ მესი ანტონელა როკუცოზე ჯვარს დაიწერს. ამის შესახებ ინფორმაციას Goal აქვეყნებს.

ლიონელი და ანტონელა დიდი ხანია ერთად ცხოვრობენ და ორი შვილიც ჰყავთ, თუმცა აქამდე ჯვრისწერა არ ჰქონიათ. ქორწილში ბევრი ცნობილი ადამიანია მიწვეული, რომელთა შორისაც არ ფიგურირებს ლეგენდარული არგენტინელი ფეხბურთელის, დიეგო მარადონას სახელი და გვარი, რამაც დიდი აჟიოტაჟი გამოიწვია.

მესი 2008-2010 წლებში არგენტინის ნაკრებში სწორედ მარადონას ხელმძღვანელობით თამაშობდა, თუმცა დიეგოს მწვრთნელობის დროს “ალბისელესტემ” დიდ წარმატებას ვერ მიაღწია და “ფეხბურთის უგვირგვინო მეფეს” თანამდებობა მალევე დაატოვებინეს.

საინტერესოა, რომ მესიმ ქორწილში არც “ბარსელონას” პრეზიდენტი ხოსეპ მარია ბარტომეუ და ამ კლუბის ყოფილი მთავარი მწვრთნელი ლუის ენრიკე არ დაპატიჟა.

დატოვეთ კომენტარი

კომენტარები

Загрузка...