გლდანის მეექვსე მიკრორაიონში ხვალიდან, პარკის მოწყობის სამუშაოები იწყება, – ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.

როგორც თბილისის მერმა განაცხადა, პარკის მოწყობის პროექტის განხორციელება მისი ერთ-ერთი წინასაარჩევნო დაპირება იყო.

„გლდანის მეექვსე მიკრორაიონში, საკმაოდ დიდი ტერიტორიაა. საუბარია დაახლოებით 13 000 კვადრატულ მეტრზე. ჩვენ ამ დაპირებას ვასრულებთ. ტენდერი უკვე გამოცხადდა, ხელშეკრულება გაფორმებულია და ხვალ, ამ პროექტის განხორციელებას ვიწყებთ“, – განაცხადა კახა კალაძემ.

მისივე თქმით, პროექტის ფარგლებში, კალათბურთის მოედანი, ამფითეატრი, ძაღლების სასეირნო სივრცე, სავარჯიშო მოედანი, საბავშვო სათამაშო მოედანი, სარწყავი სისტემა, საველოსიპედე და საფეხმავლო ბილიკები მოეწყობა. ასევე, განთავსდება საპარკე ინფრასტრუქტურა, განხორციელდება არსებული ხიდის რეაბილიტაცია და დამონტაჟდება გარე განათება.

გლდანის რაიონის განვითარება იგეგმება „ღამის ეკონომიკის“ განვითარების ფარგლებში. სერგი გვარჯალაძემ ამის შესახებ ივნისში განაცხადა.

დატოვეთ კომენტარი

კომენტარები

Загрузка...