საქართველოში მეორე მსოფლიო ომის მონაწილე 492 ვეტერანი ცხოვრობს, საიდანაც 99 ვეტერანი ქალია. საქართველოში მცხოვრებ ვეტერანებს შორის, ყველაზე პატარა ასაკის 92 წლის არის.

ოფიციალური მონაცემებით, 2018 წელს საქართველოში მეორე მსოფლიო ომის მონაწილე 676 ვეტერანი ცხოვრობდა.

პრემიერმინისტრის განკარგულებით, მეორე მსოფლიო ომის 300 მარჩენალდაკარგული ვეტერანი ერთჯერადად 600-ლარიან დახმარებას მიიღებს. თანხის გაცემას რეგიონებში ჯანდაცვის სამინისტროს სოციალური მომსახურების სააგენტო უზრუნველყოფს, დედაქალაქში თბილისის მერია. ომში დაღუპულთა 209 ოჯახს კი 300 ლარი გადაეცემა.

დღეს ფაშიზმზე გამარჯვების დღეა. მეორე მსოფლიო ომში საქართველოდან 700 000 ადამიანი წავიდა, აქედან ნახევარი, უკან არ დაბრუნებულა. 1945 წლის 8 მაისს გერმანიის მიერ კაპიტულაციის გამოცხადების შემდეგ მეორე მსოფლიო ომი დასრულდა, 9 მაისი კი ფაშიზმზე გამარჯვების დღედ გამოცხადდა.

დატოვეთ კომენტარი

კომენტარები

Загрузка...