(ენ-პი-ეი) დღეს დილის 6 საათზე ინციდენტი მოხდა თბილისში, დავით აღმაშენებლის გამზირზე. რესტორან „მაჭახელაში“ ქართველებსა და თურქებს შორის ჩხუბი და ფიზიკური შეხლა-შემოხლა დაიწყო, რაც მოგვიანებით ქუჩაში გაგრძელდა. თვითმხილველთა ცნობით, ქართველებს გადახდის პრობლემა შეექმნათ, პლასტიკური ბარათის გატარებამ გადახდის პროცესი შეაფერხა და ამაზე თურქების რეპლიკა გაისმა. თურქების რეპლიკას ქართველი მამაკაცების აგრესია მოჰყვა, რაც მათ შორის ფიზიკურ და სიტყვიერ დაპირისპირებაში გადაიზარდა. ინციდენტი რამდენიმე წუთს გაგრძელდა. ადგილზე საპატრულო პოლიციის სამი ეკიპაჟი მივიდა, თუმცა, ფიზიკური დაპირისპირება ეკიპაჟის მისვლის შემდეგაც გრძელდებოდა.

წყარო: npa.ge

დატოვეთ კომენტარი

კომენტარები

Загрузка...