კანადის პარლამენტმა ახალი კანონი მიიღო, რომლის მიხედვითაც, რეკრეაციის მიზნით, მარიხუანის მოხმარების ლეგალიზება მოხდა. ამის შესახებ BBC წერს.

მანამდე კანაფის მოხმარების, შენახვისა და გაყიდვის თაობაზე კანაფის აქტი სენატმა 52 ხმით 29-ის წინააღმდეგ მიიღო.

ამ კადაწყვეტილების მიხედვით, კანონი ძალაში 2018 წლის სექტემბრიდან შევა.

ახალი კანონით, კანადაში მარიხუანის გაყიდვა დაიწყება გარდამავალი პერიოდის შემდეგ, რომელიც 8-დან 12 კვირამდე გასტანს. ეს დრო რეგიონების ხელმძღვანელებმა უნდა გამოიყენონ კანაფის გაყიდვის წესების და პირობების დასადგენად, პოლიცია კი ახალ პირობებში მუშაობისთვის უნდა მოემზადოს. კანონის თანახმად, 18 წელზე უფროსი ასაკის ყველა კანადელს უფლება ექნება პირადი მოხმარებისთვის საკუთარ სახლში გაზარდოს კანაფის მაქსიმუმ 4 მცენარე და თან იქონიოს 30 გრამამდე გამომშრალი მარიხუანა.

კანადა „დიდი შვიდიანის“ პირველი ქვეყანა იქნება, სადაც მარიხუანის ფლობა, მოხმარება და გაყიდვა იქნება ნებადართული.

დაპირება კანადელებს 2015 წელს, ქვეყნის ამჟამინდელი პრემიერმინისტრის, ჯასტინ ტრიუდოს პარტიამ მოსახლეობას არჩევნებში გამარჯვებისას მისცა. ტრიუდო მიიჩნევს, რომ ეს ნაბიჯი ქვეყანას მარიხუანის წარმოებისა და მოხმარების უკეთ კონტროლში დაეხმარება.

კანადაში მარიხუანის შენახვა 1923 წელს აიკრძალა, 2001 წელს კი ლეგალური გახდა მისი სამედიცინო მიზნებით გამოყენება.

სრული ვერსიის ნახვა imedinews.ge

დატოვეთ კომენტარი

კომენტარები

Загрузка...