საქართველოში 2018 წლის საპრეზიდენტო არჩევნები 28 ოქტომბერს გაიმართება. ამის შესახებ მოქმედმა პრეზიდენტმა გიორგი მარგველაშვილმა პრეზიდენტის სასახლეში გამართულ ბრიფინგზე განაცხადა.

მიღებულია გადაწყვეტილება, რომ მორიგი საპრეზიდენტო არჩევნები დაინიშნოს 2018 წლის 28 ოქტომბერს. ეს გადაწყვეტილება მიღებულია საქართველოს პრემიერ-მინისტრთან შეთანხმებით. ამიტომ, დღეს შესაბამისი დადგენილება გადაეგზავნება პრემიერ-მინისტრს და შემდეგ წარიმართება შესაბამისი პროცედურები“, – განაცხადა გიორგი მარგველაშვილმა.

გიორგი მარგველაშვილმა ასევე თქვა, რომ მომავალ საპრეზიდენტო არჩევნებში მონაწილეობაზე საბოლოო გადაწყვეტილების შესახებ მოგვიანებით განაცხადებს.

ამ დროისთვის პრეზიდენტთან კონსულტაციების შემდეგ საკუთარი კანდიდატურა წარადგინა “შენების მოძრაობის” ლიდერმა, დავით უსუფაშვილმა.

ასევე ვრცელდება ინფორმაცია, რომ საპრეზიდენტო კანდიდატი იქნება სალომე ზურაბიშვილი, რომელსაც “ქართული ოცნება” დაუჭერს მხარს. საქართველოს პარლამენტის უპარტიო დეპუტატმა სალომე ზურაბიშვილმა საფრანგეთის საელჩოს მოქალაქეობის დათმობის თხოვნით უკვე მიმართა.

ოპოზიციურ ერთობას საპრეზიდენტო არჩევნებში საკუთარი კანდიდატი, გრიგოლ ვაშაძეჰყავს. პარტია ევროპულ საქართველოს კი დავით ბაქრაძე.

პოლიტიკურმა ცენტრმა „გირჩი“ საპრეზიდენტო არჩევნებზე თავისი კანდიდატად ზურაბ ჯაფარიძე წარადგინა.

დატოვეთ კომენტარი

კომენტარები

Загрузка...