ერთ-ერთი უმშვენიერესი ფერარის საგზაო მანქანა -1961 წლის 250 GT SWB California Spider ფლორიდაში, ამელიის კუნძულებზე Gooding & Company-ს აუქციონზე მომავალ თვეში გაიყიდება. საწყისი ფასი : $15-17 მილიონი.

კინოს მოყვარულებს ალბათ ახსოვთ ფერარის იგივე ტიპის მანქანა 1986 წლის კინოჰიტში “ფერის ბელერის შვებულება”, რომელშიც მეთიუ ბროდერიკი California Spider-ის რეპლიკით დადის, ახსოვთ, თუ როგორ ცდილობენ ფერისი და კამერონი მანქანის მრიცხველის უკან დატრიალებას (არ ინერვიულოთ, სინამდვილეში, ფილმის გადაღებისას ნამდვილი ფერარი არ დაზიანებულა).

2008 წელს, ბრიტანული რადიოს ცნობილმა პიროვნებამ და “Top Gear”-ის მომავალმა წამყვანმა, კრის ევანსმა რეკორდი მოხსნა, როდესაც აუქციონზე ოდესმე გამოტანილი ფერარის ყველაზე ძვირადღირებული მანქანა შეიძინა, რაშიც მან თითქმის $ 12 მილიონი გადაიხადა. აუქციონის სახლის მიხედვით, California Spider-ის ეს კონკრეტული ავტომანქანა საოცრად კარგ, თითქმის თავდაპირველ მდგომარეობაშია და კვლავ ინარჩუნებს პირვანდელ ძრავას, ხის საჭეს, სიჩქარის გადამრთველს და უკანა ხიდს.

როგორც ჩანს, ის ძალიან უყვარდათ და კარგად ეპყრობოდნენ. რაც შეეხება გარეგნობას, ეს კონკრეტული მანქანა ფერარის და საერთოდ ყველა ფირმის ყველაზე ლამაზ მანქანებს შორის არის, რაც კი ოდესმე შეუქმნიათ.

ფერარის მანქანებიდან 1963 წლის 250 GT Lusso-მ, ძვირადღირებულმა მოდელმაც გადაკვეთა აუქციონის ბლოკი $1.9-2.4 მილიონად. ვისაც აუქციონზე დასასწრებად გაუმართლებს, აგრეთვე იხილავენ მნიშვნელოვან კოლექციას კომიკოს ჯერი სეინფილდის Porsches-ს კოლექციიდან.

წყარო: postalioni.com

 

მ-768x512

 

წ-768x512

დატოვეთ კომენტარი

კომენტარები

Загрузка...