მამუკა ბახტაძის ხელმძღვანელობით დღეს მთავრობის პირველი სხდომა გაიმართება. პრემიერმინისტრმა სწორედ დღეს უნდა წარადგინოს, როგორი სამთავრობო სტუქტურა ექნება ქვეყანას.

საპარლამენტო უმრავლესობასთან კონსულტაციების შედეგად საბოლოოდ შეთანხმდა, რომ მინისტრთა კაბინეტი 11 წევრით განისაზღვრება.

ამ ეტაპზე არსებული ინფორმაციით, რეგიონული განვითარებისა და ინფრასტუქტურის სამინისტროს ფუნქციები ემატება. უწყებას მოუწევს დევნილთა ინფრასტრუქტურასთან ერთად, ენერგეტიკის საკითხებზეც იმუშაოს.

ამ დრომდე მოქმედი განსახლების სამინისტროს ფუნქციების ნაწილი კი ჯანდაცვის სამინისტროში გადავა. მმართველი გუნდი იმაზეც შეთანხმდა, რომ სასჯელაღსრულების სამინისტრო იუსტიციის სამინისტროს შეუერთდება. თუმცა ამ დრომდე უცნობია, ვინ იქნება გაერთიანებული უწყების ხელმძღვანელი.

Imedinews-ის ინფორმაციით, „ქართულ ოცნებაში“ აზრთა სხვადასხვობის მიზეზი სპორტისა და კულტურის სამინისტროს განათლების სამინისტროსთან გაერთიანებაა. სტუქტურულად შეცვლილმა მთავრობამ მხარდაჭერა დეპუტატებისგან უნდა მოიპოვის.

პრემიერმინისტრის წარდგინების შემდეგ საკითხი საკანონმდებლო ორგანოში გადაინაცვლებს. სადაც სტუქტურული ცვლილებების შესაბამისად, საკანონმდებლო ცვლილებები უნდა განახორციელონ.

საქართველოს პარლამენტმა საქართველოს დროებით მთავრობას ნდობა 20 ივნისს გამოუცხადა. ახალი მთავრობა საქმიანობას სამი კვირის განმავლობაში შეასრულებს.

imedinews.ge

დატოვეთ კომენტარი

კომენტარები

Загрузка...