მამა შალვა კეკელია “პალიტრანიუსის” გადაცემა “360 გრადუსში” აღდგომის ბრწყინვალე დღესასწაულზე საუბრობს და აცხადებს, რომ გულსატკენია ის ფაქტი, როდესაც მართლმადიდებლები სასაფლაობზე დადიან და სვამენ. მისი განცხადებით, თრობა მძიმე ცოდვაა. მამაო მოუწოდებს საზოგადოებას, რომ აღდგომის ბრწყინვალე დღესასწაულს ტაძარში , მსახურებისას შეხვდეს, შემდეგ კი ოჯახში, ნათესავებთან ერთად.

“ძალიან ცუდ ჩვევად და ტრადიციად გადაიქცა. სამეგრელოში დავიბადე და გავიზარდე და მახსოვს როდესაც აღდგომის დღესასწაული იყო, ადამიანები იკრიბებოდნენ და მიდიოდა ერთი სასაფლაოდან მეორე საფლავზე გადასვლა და ყველგან სმა, სასაფლაოდან უკვე გამოდიოდა აბსოლუტურად უგონო მდგომარეობაში, იმდენად სვამდნენ. ეს არის დამახინჯებული, ამით აღდგომა მახინჯდება, როგორც შეიძლება, დათრობა უმძიმესი ცოდვაა და მერე სასაფლაოებზე ამ სუფრების გაშლა.

შეიძლება სუფრა გაშალო მოწიწებით და მორიდებით გახვიდე საფლავზე მაგრამ აღდგომა დღეს ესე არ უნდა იყო. აღდგომა დღეს ჯობია ტაძარში მსახურებაში შეხვდე, მერე ოჯახში გაშალო სუფრა ნათესავებთან ერთად შეიკრიბოთ, იდღესასწაულოთ, ამაზე კარგი რა არის? აღდგომაა, ამაზე კარგი და თბილი დღე რა არის”, – განაცხადა მამა შალვამ.

ipress.ge

დატოვეთ კომენტარი

კომენტარები

Загрузка...