ჯვრის ამაღლების სახელობის ტაძრისწინამძღვარი, დეკანოზი თეოდორე გიგნაძეეკლესიასა და საზოგადოებაში არსებულპრობლემებზე გვესაუბრება.

ბიძინა ივანიშვილის მიერ პატრიარქისგაკრიტიკებას როგორ შეაფასებთ?

– ივანიშვილის სიტყვებს ძალიან ცუდი რეაქცია მოჰყვა საზოგადოებაში. მის ნათქვამში ძალიან ბევრი შეცდომა იყო დაშვებული. რა თქმა უნდა, პატრიარქი უცდომელი არ არის, მაგრამ, როდესაც ეპისტოლეს აკრიტიკებ, ღვთისმეტყველის თვალსაზრისით მაინც უნდა გააკრიტიკო. პატრიარქი კი ვერ იტყვის და არ იტყვის იმას, რაც ქრისტიანობას ეწინააღმდეგება. ბიძინაივანიშვილს პატრიარქი საჯაროდ არ უნდა გაეკრიტიკებინა, რადგან ჩვენი უწმინდესი ერთადერთი ავტორიტეტია, რომელიც ერს ჯერ კიდევ კრავს. რომ არა პატრიარქის ავტორიტეტი, ივანიშვილი ვერ გაიმარჯვებდა.

ასე რომ, ივანიშვილმა ამ სიტყვებით ძალიან ცუდი რამ გააკეთა და ამის თქმა არაფრით შეიძლებოდა. არ ვიცი, მისი მოტივაცია რა იყო. მის სიტყვებში რამდენიმე არაჯანსაღი მომენტიც გამოიკვეთა. ნათლად გამოჩნდა, რომივანიშვილი თავს ეკლესიაზე მაღლა აყენებს. ეს ყველაფერი გამოსჭვივის არა ფრაზაში, ეკლესიაში ძალიან ბევრი ცუდი ხდებაო, რაც მართალიცაა და ნამდვილად ასეა, მაგრამ გამაოგნებელია ბიძინა ივანიშვილის ნათქვამი, _ მე დაჩემი ოჯახი გარკვეულ დონემდე ვიღებთ ეკლესიასო! ამიხსენით, რას ნიშნავს გარკვეულ დონემდე ეკლესიის მიღება? მან ასევე თქვა, ნუ გეშინიათ ეკლესიის გაკრიტიკებისო. ეს სიტყვები მე რომ მითხრა, კიდევ გასაგებია, მაგრამ ვისუთხრა? მათ, ვინც წლების განმავლობაში კბილებს ილესავენ ეკლესიაზე და ელიან მომენტს, რომ როგორმედაგჯიჯგნონ?!

ამას რატომ ეუბნებით ისეთ ადამიანებს, რომლების ისედაც გვწეწავენ? ივანიშვილის ამ სიტყვებმა საეკლესიოწრეებში დიდი გულისტკივილი გამოიწვია. შეიძლება ადამიანი არ იყოს თავგადაკლული მორწმუნე, მაგრამ, როდესაც ვერ აცნობიერებ, ეკლესიას რა როლის შესრულება შეუძლია საქართველოს აღმშენებლობაში, უკვე სხვა პრობლემასთან გვაქვს საქმე. ეკლესია არის ერის დუღაბი და ამ დუღაბის შერყევა დღეს, მითუმეტეს, არ შეიძლება. თუ რამე არაჯანსაღი ხდება ეკლესიაში და ნამდვილად ხდება, კარგად ვიცი. მაგალითად, უღირსი სამღვდელო პირები… ამ ყველაფერს სხვანაირი მხარში დადგომა და მიდგომა სჭირდება და არავითარ შემთხვევაში ეკლესიისა და პატრიარქის აუგად მოხსენიება. ვინც ეკლესიას დაეჯახა, ყველამ რქები დაიმტვრია.

მაინც რატომ დაუპირისპირდა ბიძინა ივანიშვილი პატრიარქს და ეკლესიას?

– არ ვიცი. ივანიშვილის ამ განცხადების შემდეგ, როდესაც საპატრიარქოში მივედი, გულისტკივილი იგრძნობოდა. არადა, მსგავს გულისტკივილს არც შევარდნაძის და არც სააკაშვილის გამო არ გამოხატავდნენ. ივანიშვილის შემთხვევაში კი ძალიან შეწუხდნენ, რადგან მისი განცხადება საპატრიარქოშიც მოულოდნელი იყო. კი, ბატონო, მე გამაკრიტიკე, რატომაც არა, მაგრამ პატრიარქი?! გასაგებია, რომ პატრიარქიც ადამიანია და უცოდველი არავინაა, მაგრამ ივანიშვილმა ძალიან ცუდ კონტექსტში გამოთქვა ეს ყველაფერი და თანაც იმ ადამიანებთან, რომლებიცჩასაფრებულნი არიან საპატრიარქოს წინააღმდეგ.

ამ განცხადების შემდეგ თუ მოინახულა ბიძინა ივანიშვილმა პატრიარქი?

– დღემდე არ ყოფილა.

_ პატრიარქმა რა თქვა ამ ყველაფერზე?

– პატრიარქმა ივანიშვილზე თქვა ისეთი რაღაც, რასაც ვერ გეტყვით, რადგან ამის უფლება არ მაქვს…

ამბობთ, საპატრიარქოში აგენტებია შეგზავნილიო

– ვის რაში სჭირდება შეგზავნა? ნებისმიერი ადამიანი, რომელიც მზად არ არის ეკლესიისთვის, აკურთხე მღვდლად და შეუშვი ეკლესიაში, ის აუცილებლად გააფუჭებს საქმეს. ელემენტარულია, მიეცი ისეთ ადამიანს ექიმის დიპლომი, რომელსაც არ აქვს მედიცინასთან შეხება და გააკეთებინე ოპერაცია, პაციენტი ხომ შემოაკვდება? ზუსტად ასეთივითარებაა ეკლესიაშიც!

წყარო: droni.ge

დატოვეთ კომენტარი

კომენტარები

Загрузка...