შეიძლება გაგიკვირდეთ, მაგრამ კომპლექსები მამაკაცებს უფრო ხშირად აწუხებთ, ვიდრე სუსტი სქესის წარმომადგენლებს. თანამედროვე პროგრესული ცხოვრების სტილმა მამაკაცებს სერიოზული პრობლემები შეუქმნა და რაც ყველაზე ცუდია, საკუთარი თავის რწმენა დააკარგვინა. მათ ორჯერ უფრო სწრაფად ემართებათ დეპრესია. ამისთვის უმნიშვნელო სტრესიც საკმარისია. მამაკაცები სულაც არ არიან ისეთი ძლიერები, როგორადაც თავს გვაჩვენებენ . მათ განწყობაზე უარყოფითად მოქმედებს დაღლილობა. თავის ტკივილიც კი საშინელ ხასიათზე აყენებთ. მამაკაცს ხშირად ეპარება ეჭვი საკუთარ შესაძლებლობებში. მათ ასეთ დროს აუცილებლად სჭირდებათ გამხნევება , რომ ცხოვრებაზე საერთოდ არ ჩაიქნიონ ხელი.
     მამაკაცებს იმედგაცრუება ქალების გამო ხშირად უწევთ ხოლმე. თუ ქალმა წინდახედულობა არ გამოიჩინა და მეწყვილის მამაკაცური ღირსება შელახა, ადვილი შესაძლებელია, საერთოდ დაუკარგოს მას სუსტი სქესის წარმომადგენელთან ურთიერთობის სურვილი. ძლიერი სქესის წარმომადგენლები ხშირად არიან საკუთარი თავით უკმაყოფილო . მათ აუცილებლად ესაჭიროებათ გვერდით ადამიანი, რომელიც ხოტბას შეასხამს და წაახალისებს. მამაკაცები ქალებზე გაცილებით რთულად ეგუებიან უცხო გარემოს. მათთვის ოჯახი ყველაზე საიმედო დასაყრდენია, თუმცა ამას იშვიათად აღიარებენ. ასე, რომ კიდევ საკითხავია, რომელი სქესი იმსახურებს „ძლიერის” სტატუსს _ ქალი თუ მამაკაცი?
წყარო: postalioni.com

დატოვეთ კომენტარი

კომენტარები

Загрузка...