“ამერიკის შტატ ნიუ მექსიკოში მამაკაცი ოჯახს თავს დაესხა”, – ინფორმაციას სააგენტო Associated Press ადგილობრივი პოლიციის მაღალჩინოსან, გორდონ ედენზე დაყრდნობით ავრცელებს.

ინციდენტის შედეგად სამი ბავშვი მოკლეს. წყაროს ცნობით, ბავშვების დედა კრიტიკულ მდგომარეობაშია. ინციდენტი სამშაბათს, 6 დეკემბერს მოხდა. გორდონ ედენის განცხადებით, თავდამსხმელი 45 წლის მამაკაცი, ჯორჯ დენიელ უეჩსლერია.
გამოძიების ვერსიით, მას გარდაცვლილი ბავშვების დედასთან ხანმოკლე ურთიერთობა ჰქონდა. როგორც ედენი განმარტავს, თავდამსხმელი სახლში იმ დროს შევიდა, როდესაც ადგილზე არავინ იმყოფებოდა. თუმცა, მოულოდნელად ისინი სახლში დაბრუნდნენ, რის გამოც მამაკაცმა მათ ცეცხლი გაუხსნა. პოლიციის განცხადებით, გარდაცვლილთა ასაკი 5-დან 9 წელია. თავდასხმსი მოტივი და სხვა დეტალები ამ დროისთვის უცნობია.

წყარო: იპრესს

 

დატოვეთ კომენტარი

კომენტარები

Загрузка...