“ქართული ოცნება – დემოკრატიული საქართველოს” ცენტრალურ ოფისთან მალხაზ მაჩალიკაშვილი და მისი მხარდამჭერები მივიდნენ. ადგილზე პოლიციაა მობილიზებული.

მაჩალიკაშვილის მხარდამჭერებს შორის, “რადიო თავისუფლების” ცნობით, პანკისიდან ჩამოსული მოქალაქეებიც არიან. ისინი სუსის ყოფილი მაღალჩინოსნის, იოსებ გოგაშვილისა და სხვა მაღალჩინოსნების დასჯას ითხოვენ.

აქციაში მონაწილეობს ხორავას ქუჩაზე მოკლული ერთ-ერთი მოზარდის მამა ზაზა სარალიძეც.

ბერი გაბრიელ სალოსი ქუჩაზე ანტიტერორისტული სპეცოპერაცია 2017 წლის 21-22 იანვარს ჩატარდა. შედეგად დააკავეს ერთი ადამიანი – საედ დუდაევი, ხოლო წინააღმდეგობის გაწევისას გარდაიცვალა სამი ადამიანი, მათ შორის ერთ-ერთი აჰმედ ჩატაევია.

ამ სპეცოპერაციიდან თითქმის 1 თვეში, სახელმწიფო უსაფრთხოების სამსახურმა მეორე სპეცოპერაცია ამჯერად პანკისის ხეობაში ჩაატარა, რა დროსაც 19 წლის თემირლან მაჩალიკაშვილი დაიჭრა, რამდენიმე პირი კი დააკავეს. თემირლან მაჩალიკაშვილი საავადმყოფოში 10 იანვარს გარდაიცვალა.

თემირლან მაჩალიკაშვილის მშობლებს და პანკისის უხუცესებს აჰმედ ჩატაევთან და ტერორისტებთან მაჩალიკაშვილის კავშირს არ სჯერათ. მათ არა ერთხელ გამართეს საპროტესტო აქციები.

წყარო: imedinews.ge

დატოვეთ კომენტარი

კომენტარები

Загрузка...