ამერიკის შეერთებული შტატების მომავალი სახელწმიფო მდივანი მაიკ პომპეო აცხადებს, რომ  რუსეთთან რბილი პოლიტიკის დრო დასრულდა. ამის შესახებ guardian-ი წერს.

ამასთანავე ცნობილი ხდება, რომ ცენტრალური სადაზვერვო სააგენტოს დირექტორი მაიკ პომპეო დღეს დანიშნულ მოსმენაზე, რომელზეც სახელმწიფო მდივნის პოსტზე მისი კანდიდატურა უნდა დაამტკიცონ, მოსკოვის მიმართ უფრო მკაცრი დამოკიდებულების საჭიროებაზე ილაპარაკებს.

აშშ-ის სახელმწიფო მდივანი რექს ტილერსონი თანამდებობიდან 13 მარტს მოხსნეს. მაშინვე ცნობილი გახდა, რომ მის ადგილს ცენტრალური დაზვერვის სააგენტოს (CIA) დირექტორი მაიკ პომპეო დაიკავებდა.

პრეზიდენტ დონალდ ტრამპის თქმით, პომპეო “ფანტასტიკურად გაუმკლავდება” თავის მოვალეობებს ახალ თანამდებობაზე. მან მადლობა გადაუხადა ტილერსონს გაწეული სამუშაოსთვის, ასევე დაასახელა CIA-ს ახალი ხელმძღვანელიც. აშშ-ის ცენტრალური დაზვერვის სააგენტოს ხელმძღვანელი ჯინა ჰესპელი იქნება, რომელიც პირველი ქალია, ვინც დაზვერვის უწყებას უხელმძღვანელებს.

რექს ტილერსონი 2017 წლის 1 თებერვლიდან მსახურობდა სახელმწიფო მდივნის პოსტზე.

imedinews.ge

დატოვეთ კომენტარი

კომენტარები

Загрузка...