საქართველოში მოსკოვის ყოფილი მერი, იური ლუჟკოვი, იმყოფება. მან საზოგადოებრივ მაუწყებელთან ექსკლუზიური ინტერვიუს დროს საქართველოს ტერიტორიული მთლიანობის საწინააღმდეგო განცხადება გააკეთა.

“მე მაინც ვფიქრობ, რომ აფხაზეთი სხვა ქვეყანაა, ეს სულ სხვა ხალხია. ასეა ოსეთიც. ბუნებრივია, არსებობს გარკვეული ნოსტალგია და ბრაზი, მაგრამ ვფიქრობ, საქართველო, ამ რეგიონების ჩამოშორების შემდეგ, მომავალში უკეთ იგრძნობს თავს”.

ლუჟკოვს დარღვეული აქვს საქართველოს კანონი ოკუპაციის შესახებ და ის საქართველოს ოკუპირებულ რეგიონებში რუსეთის მხრიდანაა ნამყოფი.

ამაზე საუბრისას, ლუჟკოვი აცხადებს, რომ კანონის შესახებ სმენია, თუმცა საზღვარი უპრობლემოდ გადმოკვეთა, მისი დოკუმენტაცია კი “წესების შესაბამისად” შემოწმდა.

ქართული ოცნების წევრი გია ვოლსკი, მოსკოვის ყოფილი მერის ვიზიტზე აცხადებს, რომ “საქართველოს კარი ღიაა მათთვის, ვინც კეთილი სურვილებით მოდის”.

მოსკოვის ყოფილი მერი საქართველოში ოთხი დღის წინ სომხეთიდან ჩამოვიდა.

იური ლუჟკოვის მიერ საქართველოს კანონის ოკუპირებული ტერიტორიების შესახებ კანონის დარღვევის გამო, ონლაინ მანიფესტი შეიქმნა, რომელიც საქართველოს კანონმდებლობით მოსკოვის ყოფილი მერის დასჯას ითხოვს.

on.ge

დატოვეთ კომენტარი

კომენტარები

Загрузка...