კლიმატური ცვლილებების სფეროში სპეციალისტების დასკვნით, 2020 წლისთვის კაცობრიობამ მნიშვნელოვნად უნდა შეამციროს ნახშირორჟანგის გამოყოფა ატმოსფეროში, რათა საშუალო ტემპერატურა პლანეტაზე 2 გრადუსზე მეტად არ გაიზარდოს. წინააღმდეგ შემთხვევაში კლიმატურმა ცვლილებებმა შესაძლოა წარმოუდგენელი შედეგები გამოიწვიოს. ამის შესახებ გამოცემა Nature წერს.

ბოლო 2 წლის განმავლობაში წიაღისეული საწვავის წვისგან გამოწვეული ნახშირორჟანგის გამოყოფა წელიწადში 41 მილიარდი ტონით შემცირდა. ექსპერტების თქმით, ეს მსოფლიოს უმსხვილესი ქვეყნების დამსახურებაა, რომლებმაც ქვანახშირი ბუნებრივი აირით ჩაანაცვლეს. გარდა ამისა, ისინი განახლებადი ენერგიის წყაროებს იყენებენ.

თუმცა ამის მიუხედავადაც გლობალურმა ტემპერტურამ შესაძლოა რამდენიმე ათწლეულში დადგენილ ლიმიტს გადააჭარბოს. ეს რომ არ მოხდეს, საჭიროა 2020 წლისთვის მთელი რიგი საკონტროლო მაჩვენებელების დაცვა. მაგალითად, ელექტროენერგიის წილმა, რომელიც ქარის ელექტროსადგურებისა და ფოტოელემენტების დახმარებით მიიღება, 30% უნდა შეადგინოს. ამასთან, კაცობრიობამ უარი უნდა თქვას თბოელექტროცენტრალების მშენებლობაზე, ხოლო ელექტრომობილების ბაზრის წილი 15%-მდე უნდა შემცირდეს.

დატოვეთ კომენტარი

კომენტარები

Загрузка...