სპორტული ტელეწამყვანი ლაშა დვალიშვილი რუსთავი 2-ზე გადადის. ჟურნალისტი ტელეკომპანიასთან კონტრაქტს დღეს გააფორმებს.

ლაშა დვალიშვილი 21:00 საათიან კურიერში დიმა ობოლაძეს შეცვლის და სპორტული პროგრამების პროდიუსერი იქნება. დვალიშვილი რუსთავი 2–ის პირდაპირ ეთერში, სავარაუდოდ, მომავალი კვირიდან დაჯდება.

_ რუსთავი 2 ძალიან რეიტინგული ტელევიზიაა და რა თქმა უნდა, იქ მუშაობა ყველას უნდა. _ განუცხადა “პირველს” დვალიშვილმა.

ლაშა დვალიშვილი საზოგადოებრივ მაუწყებელზე სპორტულ გადაცემას უძღვებოდა. დაახლოებით ერთი წელია ის ტელეეკრანზე აღარ ჩანს.

მანამდე, რუსთავი 2-დან იმედზე გადავიდა დიმა ობოლაძე, რომელმაც სხვა ტელეკომპანიაში  გადასვლა კარგი პირობების შეთავაზებით ახსნა.

გასულ წელს ლაშა დვალიშვილი საპარლამენტო არჩევნებში იყრიდა კენჭს პაატა ბურჭულაძის პარტიიდან. ის ლაგოდეხის მაჟორიტარი დეპუტატობის კანდიდატი იყო.

საარჩევნო კამპანიის დროს ლაშა დვალიშვილს ფიზიკური შეურაცხყოფა მიაყენეს.

რადიო “ჰერეთის” თოქ-შოუს მიმდინარეობისას, დებატებში ლაგოდეხის მაჟორიტარი დეპუტატობის კანდიდატები მონაწილეობდნენ, სადაც უცხო პირებმა სტუდიაში შესვლა შეძლეს და ლაშა დვალიშვილს ფიზიკური შეურაცხყოფა მიაყენეს.

წყარო: akhalitaoba.ge

დატოვეთ კომენტარი

კომენტარები

Загрузка...