თბილისში, კოლმეურნეობის მოედნის ქვეშ სამდონიანი პარკინგი მოეწყობა. დედაქალაქის მერის დავით ნარმანიას განცხადებით, სამდონიანი პარკინგის მოწყობა კოლმეურნეობის მოედნის რეაბილიტაციის პროექტის შემადგენელი ნაწილია, რომლის განხორციელებაც უკვე დაიწყო. ორბელიანის მოედანზე გამავალ ორ პატარა ქუჩაზე საკომუნიკაციო და წყალკანალიზაციის სისტემის გამოცვლა უკვე მიმდინარეობს.

დავით ნარმანიას თქმით, კოლმეურნეობის მოედნის რეაბილიტაციისთვის 20 მილიონი ლარი დაიხარჯება და იგი 30 სახლის რეაბილიტაციასაც ითვალისწინებს.

კოლმეურნეობის მოედანთან ერთად რეაბილიტაცია უტარდება ათონელის ქუჩასაც. მშრალ ხიდზე კი მხატვრებისთვის ახალი სტელაჟები დაიდგმება. პროექტის ფარგლებში 50 მილიონი ლარი დაიხარჯება და 2018 წელს დასრულდება.

თბილისის მერიასთან, ფილარმონიასთან, ეროვნულ სტადიონთან და კიდევ შვიდ ადგილზე, დედაქალაქში მრავალსართულიანი პარკინგის მოსაწყობად მერია ტენდერს უახლოეს პერიოდში გამოაცხადებს.

დატოვეთ კომენტარი

კომენტარები

Загрузка...