კენტუკის პოლიციამ კლოუნის ფორმაში ჩაცმული მამაკაცი დააკავა, რომელიც ტყის ტერიტორიაზე იმალებოდა. კლოუნის არსებობის შესახებ აშშ-ს ექვსი შტატიდან მოდიოდა ხმები, რაც მოსახლეობაში მღელვარებას იწვევდა.

20 წლის ჯონათან მარტინს მიდლსბოროში, საჯარო ადგილებში ნიღბის ტარებასა და უკანონო ქმედებებში ედება ბრალი. პოლიციის თანახმად, იგი პარასკევს, დაახლოებით ღამის პირველ საათზე იპოვეს “თავიდან ბოლომდე კლოუნის კოსტუმსა“ და ნიღაბში, საცხოვრებელ კომპლექსთან ახლოს, ხეებს შორის ჩასაფრებული.

ბოლო ხანებში გავრცელებულმა ინფორმაციამ კლოუნების შესახებ, რომლებიც ტყეებში ცდილობდნენ ბავშვების შეტყუებას, დიდი განგაში გამოიწვია. პოლიცია აფრთხილებდა მოსახლეობას კლოუნის ფორმაში გადაცმული პირების შესახებ და განმარტავდა, რომ ეს პირები სისხლის სამართლის პასუხისგებაში მიეცემოდნენ. “კლოუნის ფორმაში ჩაცმულმა ადამიანმა, რომელიც შესაძლოა მანქანას მართავდეს, დადიოდეს ან ხალხში იდგეს, შეიძლება სახიფათო სიტუაცია შეგიქმნათ“, აფრთხილებდა პოლიცია ხალხს ონლაინ განცხადებაში. “მიუხედავად იმისა, რომ კლოუნის ფორმაში გადაცმა თავისთავად არ წარმოადგენს კანონის საწინააღმდეგო ქმედებას, ამგვარი საქციელი საჯაროდ და ამით ხალხში განგაშის გრძნობის დანერგვა უკანონოა”.

ki

კლოუნების სავარაუდო გამოჩენის შემთხვევები დაფიქსირდა ბოლო კვირების განმავლობაში ჩრდილოეთ კაროლინაში, სამხრეთ კაროლინაში, ალაბამაში, ჯორჯიასა და კენტუკიში. მაგრამ საშიში კლოუნის გამოჩენის ბოლო ტალღამ, აგრეთვე, ცრუ ინფორმაციების გავრცელება გამოიწვია, როგორც პოლიციაში, ასევე სოციალურ მედიაში. ცოტა ხნის წინ მერილენდის, ანაპოლისის პოლიციამ დაადგინა სტუდენტების კლოუნებისგან შეშინების ცრუ შეტყობინებები, თითქოს ისინი კლოუნმა შეაშინა სკოლის გზაზე, რაც სიმართლეს არ შეესაბამებოდა. ყალბი შეტყობინებებისთვის 24 წლის მამაკაცი დააკავეს ჩრდილო კაროლინაში, ქალაქ ვინსტონ-სალემში, იმის გამო, რომ მან პოლიციას ცრუ ჩვენება მისცა, თითქოს კლოუნმა კარზე დაუკაკუნა. იმავდროულად, 11 წლის გოგონა დააკავეს ჯორჯიის შტატის ქალაქ ათენში, სკოლაში დანის იმ საბაბით მიტანისთვის, თითქოს იგი შეშინებული იყო სოციალურ მედიაში გავრცელებული ცნობებით, რომ კლოუნები თავს ესხმოდნენ ბავშვებს.

მარტინის დაკავება კენტუკის მაცხოვრებლების მიერ პოლიციის შეტყობინებას მოყვა. მათ პოლიციას აცნობეს, რომ მათ მიერ შემჩნეული კლოუნის ჩაცმულობა ემთხვეოდა იმ კლოუნის აღწერილობას, რომელსაც ეძებდნენ. ოთხშაბათს ფეისბუქში გამოქვეყნდა კლოუნის ფოტო, რომელზეც კენტუკიში, ქალაქ ვაკოში მყოფი კლოუნი იყო ასახული. მას სწორედ მსგავსი შავ-თეთრი კოსტუმი ეცვა. ფოტო: პოლიციამ მარტინი ქალაქის კანონის დარღვევის გამო დააკავა. პოლიციის ფოტოზე მარტინი კლოუნის კოსტუმშია მარტინის კლოუნის კოსტუმი კენტუკის ქალაქ ვაკოს ნიღბიანი პირის კოსტუმის იდენტურია

_91361580_1ad162dc-fa2e-4915-b39b-79bf1a4a9bf3

წყარო postalioni.com

დატოვეთ კომენტარი

კომენტარები

Загрузка...