მადრიდის „რეალის“ და პორტუგალიის საფეხბურთო ნაკრების თავდამსხმელი, კრიშტიანუ რონალდუ, მამა გახდა. როგორც პორტალი Marca იუწყება, მას ტყუპები სუროგატი დედისგან ეყოლა.

გამოცემის ცნობით, ტყუპები ევა და მეთიუ რონალდუები 8 ივნისს აშშ-ის დასავლეთ სანაპიროზე დაიბადნენ, თუმცა ინფორმაცია ჯერჯერობით დადასტურებული არ არის.
რონალდუს უკვე ჰყავს 6 წლის შვილი კრიშტიანუ-უმცროსი, რომელიც  ასევე სუროგატი დედისგან გაჩნდა. ამჯამად 32 წლის ფეხბურთელის შეყვარებულია 22 წლის ესპანელი მოდელი ჯორჯინა როდრიგესი. ადრე ესპანური მედია იმასაც წერდა, რომ როდრიგესი ფეხბურთელისგან ბავშვს ელოდება.

კრიშტიანუ 2015 წელს 5-წლიანი ურთიერთობის შემდეგ რუს მოდელს ირინა შეიკს დაშორდა. წყვილს საერთო შვილები არ ჰყავს. ამის შემდეგ პორტუგალიელ ფეხბურთელს ჰომოსექსუალობას აბრალებდნენ, თუმცა საბოლოოდ ეს ინფორმაცია არ დადასტურდა.

კრიშტიანუ რონალდუ „ოქროს ბურთის“ ოთხგზის მფლობელი და „რეალის“ შემადგენლობაში ჩემპიონთა ლიგის გამარჯვებულია, ასევე 2016 წლის ევროპის ჩემპიონია პორტუგალიის ნაკრებიდან.  

დატოვეთ კომენტარი

კომენტარები

Загрузка...