HBO-ს სერიალის “სამეფო კარის თამაშების” ვარსკვლავები კიტ ჰარინგტონი (ჯონ სნოუ) და როუზ ლესლი (იგრიტი) დაქორწინდნენ. ამის შესახებ BBC წერს.

“სამეფო კარის თამაშების“ ვარსკვლავებმა ჯვარი შოტლანდიაში დაიწერეს. ცერემონია აბერდენშირის საგრაფოში გაიმართა, რის შემდეგაც ახალდაქორწინებულები ლესლის მამის კუთვნილ ვარდჰილის ციხესიმაგრეში გაემგზავრა.

ქორწილს მსოფლიოში ცნობილი სერიალის სხვა მსახიობებიც ესწრებოდნენ. მათ შორის იყო ემილია კლარკი, პიტერ დინკლეიჯი, სოფი ტერნერი და მეისი უილიამსი.

მსახიობებს ცხოვრებაში, ისევე როგორც სერიალში ერთმანეთი შეუყვარდათ და უკვე თითქმის ორი წელია ერთად ცხოვრობენ. მათი ნიშნობის შესახებ ინფორმაცია გასულ წელს გავრცელდა.

დატოვეთ კომენტარი

კომენტარები

Загрузка...