“ბიძინა ივანიშვილი ბრძენი კაცია და საქართველოს გადარჩენის გასაღები მის ხელშია”-ამბობს მსახიობი გივი სიხარულიძე  და აღნიშნავს, რომ ყოფილ პრემიერ მინისტრს, საქართველოსთვის და ქართველი ხალხისთვის ბევრი სიკეთე აქვს გაკეთებული.

“კაცმა, რომელმაც სამების ტაძარი, ოპერის თეატრი, რუსთაველის თეატრი აჩუქა საქართველოს. კაცმა, რომელმაც ჩემი მეგობრები, მშიერი ინტელიგენცია გადამირჩინა, დაუნიშნა ჯამაგირები. კაცმა, რომელმაც შეკვეთილში ბავშვთა გასართობი ცენტრი მოაწყო, დიდი საკონცერტო დარბაზი გახსნა და სახელმწიფოს ჩუქნის. ადამიანი, რომელმაც ვიცით საჩხერეში როგორი ცხოვრება მოაწყო, გლეხები დააფინანსა. მერე, იმ გლეხებმა ვერ გამოიყენეს ის ფული, მაგრამ არ შეიძლება რომ ის ერის მოყვასი კაცი არ იყოს.
მე ამ კაცს დიდ პატივს ვცემ. ვიცი, რომ მას საქართველო უყვარს, ის ქართველი კაცია სულით ხორცამდე. ვთვლი, რომ ბიძინა ივანიშვილი ბრძენი კაცია და საქართველოს გადარჩენის გასაღები მის ხელშია. მე მგონი, ის ისევ უშველის საქართველოს.
რომ გაიძახიან, ხე მოჭრა, გადაიტანა, გადმოიტანა..ამაში ცუდს ვერაფერს ვერ ვხედავ. ჯერ ერთი, ამაში უამრავ ფულს იხდის, მეორეც ის ხეები სადღაც მიგდებული იყო და კაცისშვილმა არ იცოდა მათ შესახებ, მიაქვს და ბაღს აშენებს, სადაც რუდუნებით მოუვლიან. საქართველოს ერთი ნაწილიდან, გადააქვს მეორეში. გადარგო და უვლის რუდუნებით. ხელზე ნუ დაიხვევენ ამ თემას”, – აცხადებს სიხარულიძე

სრული ვერსიის ნახვა

დატოვეთ კომენტარი

კომენტარები

Загрузка...