ჩემთვის, ადამიანისთვის, რომელიც არავის ეკუთვნის და არავის ისაკუთრებს, ღალატი – ავადმყოფი გენია.
სამკუთხედი, როცა ღალატი სერიოზულია და სამუდამოდ შლის ორ ადამიანს შორის ნდობას და მოსარგებლე, რეალურად, თავიდანვე წაგებულია.
ჩემს მკერდზე არა ერთის და ორის მამაკაცს უწკმუტუნია- “მომბეზრდა, მაგრამ მაინც მიყვარს”; “ბავშვების გამო ვართ ერთად”. ძალიან ბევრს “აწყობილი” იდილია აქვს ურთიერთობაში, ოჯახშიც, მოსწონს “გართობა” გარეთ. პარტნიორები თვალდახუჭულები არიან. რამდენისთვის მითხოვია- ნუ მირეკავ. რამდენს მოუტყუებია- მარტო ვარ. და მერე ვიგებდი, ტყუოდა.
სექსი რა შუაშია? ქვემოთ, ამაზე.
ღალატზე თვალის დახუჭვა მძინარე ჭურვია. არასოდეს იცი, ერთხელ მოღალატე,მეორედ როდის გაიმეორებს ღალატს და რას მოიმოქმედებს ღალატით მოსარგებლე მხარე.
მოღალატე ქმრები ბეჭედს არ იხსნიან- მარტივია, პასუხისმგებლობას იბრალებენ, ოჯახთან, ვალდებულებებს, რომლებსაც რეალურად, არ განახორციელებენ – ღალატი ხომ სახეზეა. ქალები რქებს ადგამენ ქმრებს,რომლებიც პატიოსანი ქალის სტატუსს უნარჩუნებენ, თუმცაღა რქიანი, მაგრამ ქმრობით.
მაგრამ ღალატში კაცები მაინც ჩემპიონები არიან. პოლიგამიურები ვართო, გვეკუთვნისო. კაცის ღალატს ბოზობა არ ჰქვია, განა? რა შეილამაზეს- მოგულავე კაცი. მოგულავე კი არა, მოღალატე და ბოზი კაცი. თუ მოღალატე ქალი ბოზია, ბოზია კაციც.
ბუნუელის “დღის ლამაზმანში”. ქალი ბუნებით “ძუკნა”.
ანა კარენინა? საყვარლის გამო განიკითხა,შვილს დააშორეს და კაცი საყვარელი კი ღალატის სტანდარტად მიჰყვა ღალატის ჯაჭვს, სხვას გაეკიდა.
ღალატზე ღალატით პასუხი იგივე ღალატი და უპრინციპობაა, ღალატის განმტკიცება.
ღალატი გენია. უღალატა ერთს, თქვენც გიღალატებთ, დროის ფაქტორია მხოლოდ.
– საიდან იცი, რომ გღალატობს? რომ ვკითხე, თინეიჯერმა,ბებიას, დაფიქრდა-მითხრას-არ მითხრას და მიპასუხა:
-არ სძინავს ჩემთან.
თქვენსას, სძინავს, თქვენთან?
რა უნდა გააკეთოთ, თუ აღარ გიზიდავთ?
თუ არ გსურთ ადამიანთან ყოფნა, უბრალოდ, წადით.
თქვით- აღარ მინდიხარ. აღარ მიყვარხარ.
დროული სიმართლე თუ გაწელილი ტყუილში ცხოვრება და უიღბლობა, თქვენი გადასაწყვეტია. შუალედი ნაცრისფერია და ძალიან დამღლელი.
თუ გიღალატათ და წავიდა- ღირს წუხილი? არ ჰყვარებიხართ და მორჩა. სიყვარულს ასე ადვილად ვერ ელევიან. რა ადვილია თქმა და რა რთული-შესრულება. არადა ცხოვრება გრძელდება. მუშაობა შველის, დავიწყებას. ან ახალი ურთიერთობა – უებარია.
მიყვარს ეს გამოთქმა: საყვარლები არიან ავტობუსებივით. ერთი წავა, დაელოდე, სხვა მოვა აუცილებლად.
ზოგი დროებით მიდის “განტვირთვისთვის” და უბრუნდება საყვარელ ადამიანს. ღირს კი,ასეთი “განტვირთული” ადამიანის უკან მიღება? ფსიქოლოგები ამბობენ, უნდა მივცეთ შანსი. არჩევანი თქვენია. მე – მიპატიებია, მინანია ძალიან პატიება.
კარგ ქალს/ან კაცს არ ტოვებენ და კარგს არ უშვებენო…გააჩნია. რას გაიგებ, ვისთვის რომელია კარგი. ჩემს იმდენ ყოფილს ჰყოლია ცოლი, ზეცამდე ბედნიერი,ზოგჯერ ვუყურებ დასაწყისს და მინდა, ვუთხრა- არ შეიყვარო. რამდენის ოჯახი დაშლილა. რამდენს გული გატეხვია. ნუ გეჩქარებათ, შეყვარება. მოღალატის ამოცნობა თავიდანვე ადვილია. უნდა ჰქონდეს თქვენი გაბედნიერებისთვის დრო. ყოველთვის. რა დაკავებულიც არ უნდა იყოს.
ბებიაჩემს, როცა კვდებოდა,ბაბუაჩემი ეხუტებოდა და ეუბნებოდა: ხომ ხედავ, მთელი ცხოვრება მემდუროდი, რომ გღალატობდი,ახლა ხომ ერთად ვართ. 84 წლის ბაბუა ტიროდა, 79 წლის ბებია კი მწარედ იღიმოდა. სახეზე მთელი ცხოვრების ღალატის სიმწარეს დასუსტებული მომაკვდავი ქალის ღიმილი სრულად ასახავდა. ცამეტი წლის გოგოს ცნობიერებაში მოღალატე კაცის სინანული და შეურაცხყოფილი ერთგულების მონანიება სამუდამოდ

აღმებეჭდა. მათ სამი შვილი ჰყავდათ ერთად.
ღალატთან სექსი რა შუაშია. ძირითადად სხვასთან სექსს არქმევენ ღალატს. უბრალოდ მომბეზრდაო. მერე ბეზრდება ახალი და დარბის ასე, ერთიდან მეორესთან, კაციც და ქალიც. კამა სუტრას ვარჯიში უნდა, ფიზიკური და სულიერი, სხვადასხვა პარტნიორთან ერთი პოზით ვერ გამოიწვრთნებით.
მოღალატე რეალობაში არც უფიქრდება არასდროს- ვღალატობ, ნეტავ რატომ ვღალატობ?
რა არ მოგწონთ? იქნებ უთხრათ ერთმანეთს, განიხილოთ.
რომ დაფიქრდეთ-მართლა, საყვარელ
ადამიანს, რატომ
უნდა უღალატო? სექსის გამო? სრულებით ან თითქმის უცხო ადამიანთან ერთი ორგაზმის გამო საყვარელ ადამიანს ტკივილს აყენებ? ნაღალატევი ორგაზმის სიამოვნებას ვერ ვხვდები. ღალატი სიყვარულის ამორალობა. ასაკთან ერთად ხვდები, როცა არ გიყვარს, სექსს აზრი არ აქვს, დაკმაყოფილება არ მოაქვს. ფიზიკურად ორგაზმი გაქვს, მორალურად ემოცია არ გაქვს.
ღალატი ნდობის გატეხვაა. ცხოველებშიც კი ერთგულება ფასობს, ადამიანი კი უმაღლესი ცნობიერების ჰომო საპიენსი, ჯერ კიდევ რატომღაც განიხილავს ღალატისგან განკურნვის მეთოდებს. თან ფიზიკურის განხილვით მხოლოდ.
მე ვიცი ერთი და მარტივი: არ უღალატოთ საყვარელ ადამიანს.
როდესაც არ გაკავშირებთ სიყვარული არავისთან, თავისუფალი ხართ არჩევანში.
როცა გიყვართ…სანამ ცდუნებას აყვებით, დაფიქრდით, ხასიათის ერთჯერადი სისუსტე სამუდამო ზიანს აყენებს სამივე მხარეს.
სიყვარული ხომ ნიშნავს,არასოდეს თქვა- ბოდიში, მაპატიე.
სიყვარული ნიშნავს, უსასრულო ნდობას.
ბოდიში არასოდეს დაგჭირვებოდეთ. არ კურნავს ტკივილს და ნდობის დანაკარგს არასოდეს ანაზღაურებს.

დატოვეთ კომენტარი

კომენტარები

Загрузка...