ყველამ კარგად ვიცით, რომ მსოფლიოში ყველაზე პოპულარული სოციალური ქსელი “ფეისბუქი” მარკ ცუკერბერგმა სტუდენტურ საცხოვრებელში ყოფნისას შექმნა. თუმცა, იგი ერთადერთი წარმატებული კომპანია არ არის, რომელიც კოლეჯში სწავლისას სტუდენტების მიერ შეიქმნა.

წარმოგიდგენთ რამდენიმე ასე დაარსებული კომპანიას, რომელიც წარმატებული სტარტაპიდან საერთაშორისო ბრენდად იქცა.

FeDex

1962 წელს იელის უნივერსიტეტის სტუდენტმა ფრედ სმითმა წარადგინა ეკონომიკური წინადადება, გეგმა, რომელიც მსოფლიო ლოგისტიკური კომპანიის დაარსებას ითვალისწინებდა, კომპანია პასუხისმგებელი უნდა ყოფილიყო ტვირთის მიღება ტრანსპორტირებაზე. არსებული ინფორმაციით, ფრედმა ამ წინადადებაში მაშინ С ნიშანი მიიღო. თუმცა, ყველამ ნახა, რომ მოგვიანებით, როდესაც მან კოლეჯი დაამთავრდა და ჩაფიქრებული კომპანია დააარსა, 90 მილიარდ დოლარზე მეტი იშოვა. კომპანია Federal Express-ი 1971 წელს დაარსდა და ახლა მისი ყოველწლიური შემოსავალი 50 მილიარდ დოლარს აჭარბებს.

Dropbox

Dropbox-ის შექმნის იდეა მაშინ გაჩნდა, როდესაც მასაჩუსეტსის ტექნოლოგიების უნივერსიტეტის სტუდენტს დრიუ ჰიუსტონს სტუდენტური საცხოვრებლის ოთახში თავისი USB ფლეში-მეხსიერება დარჩა. ის მიხვდა, რომ უნდა შეექმნა მარტვივი და ნებისმიერი კომპიუტერიდან ხელმისაწვდომი დოკუმენტებისა და ფოტო- ვიდეომასალის შემნახველი ბაზა. მან ჩანაფიქრი 2007 წელს განახორციელა. დღეს კი Dropbox-ი 10 მილიარდ დოლარადაა შეფასებული, რომელსაც მსოფლიოს მასშტაბით 500 მილიონზე მეტი მომხმარებელი ჰყავს.

Dell

1983 წელს ტეხასის უნივერსიტეტში მაიკლ დელლმა დაიწყო პერსონალური კომპიუტერის ნაწილების გაყიდვა და მოწყობილობის გაუმჯობესებული ვერსიის შექმნა. ერთი წლის შემდეგ კი Dell-ი დაარსდა ოფიციალურად, როგორც ბიზნესი. “ფორბსის” რეიტინგის მიხედვით, დღეს, მაიკლ დელი მსოფლიოში რიგით 38-ე ყველაზე მდიდარი ადამიანია, მისი ქონება 23 მილიარდ დოლარს შეადგენს. Dell-ი HP-ისა და Lenovo-ს გვერდით, ერთ-ერთი ყველაზე მსხვილი მწარმოებელია.

WordPress

ჰიუსტონის უნივერსიტეტის სტუდენტი მეტ მიულენვეგი ფიქრობდა როგორ შეექმნა პირადი ვებგვერდი. 2003 წელს მან ეს შეძლო და ბრიტანელ დეველოპერთან მაიკ ლითლთან ერთად WordPress-ი შექმნა. 14 წლის შემდეგ, მის მიერ შექმნილი ტექნოლოგია აქტიურად გამოიყენება ვებსივრცეში.

ALLNEWS.GE

დატოვეთ კომენტარი

კომენტარები

Загрузка...