პოლიციამ სოფელ კარალეთში 68 წლის ქალის მკვლელბაში ეჭვმიტანილი დააკავა. ამ წუთებში მის საცხოვრებელ სახლთან საგამოძიებო მოქმედებები მიმდინარეობს. ადგილზე მობილიზებულია პოლიცია და სპეცდანიშნულების რაზმი.

დაკავებული 20 წლის ახალგაზრდაა. მეზობლების ინფორმაციით, მომხდარის შესახებ პოლიციას დაკავებულის მამამ აცნობა. მათივე თქმით, ის დანაშაულის ჩადენის მომენტში ნარკოტიკული ნივთიერების ზემოქმედების ქვეშ იმყოფებოდა.

დაკავებულის ოჯახი მედიასთან არ კონტაქტობს. ჯერჯერობით ოფიციალური კომენტარი არ გაუკეთებიათ შსს-შიც.

68 წლის ქალი საკუთარ სახლში გარდაცვლილი 4 დეკემბერს ნახეს. ის მარტო ცხოვრობდა და მას შემდეგ რაც მასთან დაკავშირება ვერ შეძლეს მეზობლებმა მიაკითხეს და იატაკზე იპოვეს.

მათვე სასწრაფო და პოლიცია გამოიძახეს. გარდაცვლილს სხეულზე ძალადობის კვალი და მრავლობითი დაზიანებები აღენიშნებოდა.

შსს-მ გამოძიება 108-ე მუხლით დაიწყო, რაც განზრახ მკვლელობას გულისხმობს.

დატოვეთ კომენტარი

კომენტარები

Загрузка...