რუსეთში კანიბალიზმის ბრალდებით ცოლ-ქმარი დააკავეს, წერს CNN. პოლიციის ინფორმაციით, 35 წლის კაცსა და 42 წლის ქალს 18 წლის განმავლობაში 30-ზე მეტი ადამიანი ჰყავთ მოკლული და შეჭმული.

წყვილი მას შემდეგ დააკავეს, რაც რუსეთში, კრასნოდარის ოლქის სამხედრო აკადემიის ტერიტორიაზე, სადაც ისინი მუშაობდნენ, ახალგაზრდა ქალის გახრწნილი სხეული იპოვეს. როგორც CNN წერს, ქმარმა დანაშაული აღიარა და კიდევ რამდენიმე მკვლელობის შესახებაც მოყვა მას შემდეგ, რაც მის ტელეფონში ადამიანის სხეულის ნაწილების ფოტოები აღმოაჩინეს.

გამოცემის ცნობით, მაცივრის საყინულეში ნაპოვნია ადამიანის სხეულის გაყინული ნაწილები. პოლიციის თქმით, წყვილი სავარაუდო მსხვერპლს კორვალოლის ტრანკვილიზატორს უკეთებდა და ამის შემდეგ ესხმოდა თავს.

დატოვეთ კომენტარი

კომენტარები

Загрузка...