ქიმიური ნივთიერებები, რომლებიც ქალაქური ბინების საპირფარეშოს უნიტაზებიდან და ონკანიდან დიდი რაოდენობით იღვრება და შემდეგ მდინარისკენ მიედინება, თევზებში უცნაურ ცვლილებებს იწვევს. ქიმიკატების ნარევი, რომელიც მამრ თევზებში ხვდება, ააქტიურებს მექანიზმს, რის გამოც ის ქალად მიიჩნევს თავს. კვლევლას ვრცლად Phys.org-ი აქვეყნებს.

ინგლისელი მეცნიერის ჩარლზ ტაილერის თქმით, უპირველესყოვლისა ეს ეხება, მტკნარი წყლის თევზებს. მისი დაკვირვებით, ბრიტანულ მდინარეებში მამრი თევზები აგრესიის შემცირებულ დონეს ავლენენ, კარგავენ კონკურენტუნარიანობას და სპერმის ხარისხს, ზოგიერთმა სახეობამ კი ქვირითის დადებაც დაიწყო.

მეცნიერების აზრით, ნივთიერებები, რომლებსაც შეუძლიათ ამგვარად იმოქმედონ თევზებზე, არის ჩასახვის საწინააღმდეგო აბების ინგრედიენტები, სარეცხი საშუალებები, კოსმეტიკა და ზოგიერთი პლასტმასი.

“კვლევებმა აჩვენა, რომ ზოგიერთი ნივთიერება გავლენას ახდენს თევზის ქცევაზე. მაგალითად, ანტიდეპრესანტული წამლები, მათ მშიშარა ბუნებას აქვეითებს, რის შედეგადაც თევზები მტაცებლებს აღარ გაურბიან”, – განმარტავს პროფესორი.

მეცნიერების თქმით, არსებობს ისეთი პლასტმასის სახეობები, რომლის ქიმიური ფორმულა თავისი სტრუქტურით, ძალიან ჰგავს ქალის ჰორმონ ესტროგენს.

დატოვეთ კომენტარი

კომენტარები

Загрузка...