,,პირველი რადიოს“ ინფორმაციით, წინა მოწვევის თბილისის საკრებულოს წევრები, რომლებიც ახალ საკრებულოში არც მაჟორიტარული ოლქებიდან და არც პროპორციული სიიდან არ მოხვდნენ ახალი სამსახურების მოლოდინში არიან. გავრცელებული ინფორმაციით, არჩევნებამდე მათ პარტიის ცენტრალური ოფისი შეპირდა,რომ ისინი ვინც საკრებულოში ვერ მოხვდებოდნენ მუშაობას მერიის სხვადასხვა სამსახურებში სსიპებში და აიპებში განაგრძობდნენ, თუმცა ჩვენი ინფორმაციით, ,,საკრებულოსთვის დაწუნებული“ ყოფილი დეპუტატების მერიის სტრუქტურებში დანიშვნას, ახლადარჩეული მერი კახი კალაძე ეწინააღმდეგება.
,,პირველი რადიო“ ამ საკიტხზე კომენტარისთვის რამდენიმე ყოფილ და სკანდალურად ცნობილ დეპუტატთან დაკავშირებას შეეცადა. ნუგზარ მალაღურაძესთან, ია მაკასარაშვილთან ,თედო კობახიძესთან, ასევე საკრებულოს თავმჯდომარის ყოფილ მოადგილესთან ჯაბა სამუშიასთან ,თუმცა მათთან დაკავშირება ვერ მოხერხდა.
ამ საკითხზე კომენტარი ვთხოვეთ ახალი საკრებულოს წევრს ბექა დავითულიანს, რომელმაც თქვა,რომ ის ამ პროცესებში არ არის ჩახედული .
არსებობს მოსაზრება,რომ იმ შემთხვევაში თუ კალაძემ ყოფილი დეპუტატების დასაქმებაზე უარი განაცხადა მათთვის ადგილები სხვადასხვა სამინისტროებში ან სსიპებში გამოიძებნოს.

დატოვეთ კომენტარი

კომენტარები

Загрузка...