თბილისის მერის, დავით ნარმანიას განცხადებით, დედაქალაქის განათება წელიწადში 11 მილიონი ლარი ჯდება. აღნიშნულ თანხაში ქალაქის ყველა ტიპის განათება შედის. თუმცა მერიის ახალი პროექტის მიხედვით, სტანდარტული განათებები LED სანათებით შეიცვლება, რაც ელექტროენერგიას 60-70%-ით დაზოგავს.

“დედაქალაქის განათებაში წელიწადში 11 მილიონ ლარს ვიხდით. თუ მთლიანად გადავალთ LED განათების სისტემაზე, თბილისის განათება 4-5 მილიონი ლარი დაჯდება”, – განაცხადა დავით ნარმანიამ.

​თბილისის განათების სისტემას შპს “თბილსერვის ჯგუფი” უზრუნველყოფს. 2016 წლის მაისამდე დედაქალაქის განათებაზე პასუხისმგებელი შპს “სინათლის ქალაქი” იყო. თუმცა, 2016 წლის 15 მაისს, სხვა ოთხ იურიდიულ პირთან ერთად, შპს “სინათლის ქალაქიც” “თბილსერვის ჯგუფის” ნაწილი გახდა.

​გარდა LED სანათებისა, 2017 წელს დაგეგმილია მხატვრული მინათებების პროექტის განხორციელებაც. პროექტისათვის 1 250 000 ლარია გამოყოფილი, რომლის ფარგლებშიც 30-მდე მხატვრული მინათების პროექტი განხორციელდება.

დატოვეთ კომენტარი

კომენტარები

Загрузка...