დედაქალაქის მერი კახა კალაძე, ფონიჭალაში მომხდარი აფეთქების შედეგად, დედა-შვილის დაღუპვის გამო მწუხარებას გამოთქვამს და მათ ოჯახს უსამძიმრებს.

,,დღეს დიდი ტრაგედიის მოწმენი გავხდით. ფონიჭალაში, აფეთქების შედეგად დავკარგეთ ორი ადამიანი – ახალგაზრდა დედა და მისი მცირეწლოვანი შვილი.

ძალიან მძიმეა ეს ნებისმიერი ადამიანისთვის და ჩვენთვის, ვინც იქ ვიდექით და უძლურები ვიყავით ამ ტრაგედიის წინაშე.

ვიზიარებ ოჯახის ამ უდიდეს მწუხარებას”, – წერს კახა კალაძე სოციალურ ქსელში.

ფონიჭალაში, საცხოვრებელ კორპუსში, მესამე სართულზე მოხდა ბუნებრივი აირის გაჟონვა, რამაც გამოიწვია აფეთქება. შემთხვევის შედეგად დაიღუპა ახალგაზრდა ქალი და მისი მცირეწლოვანი შვილი. დაშავებულია სამი ადამიანი.

წყარო: pia.ge

დატოვეთ კომენტარი

კომენტარები

Загрузка...