უკრაინის პირველი პრეზიდენტი ლეონიდ კრავჩუკი, ინტერვიუში, მიხეილ სააკაშვილისთვის უკრაინის მოქალაქეობის ჩამორთმევას ეხმიანება და მას შემდეგ რჩევას აძლევს:

“უსმინე საკუთარ გონებას, საკუთარ ხალხს და იფიქრე იმაზე, რომ შენ ხარ საქართველოს პრეზიდენტი. ისეთი ადამიანები, როგორიც შენ ხარ, მიხეილ, საქართველოში ბევრი არაა”.

ლეონიდ კრავჩუკი აგრეთვე აგრეთვე მოუწოდებს სააკაშვილს, რომ თავისი გავლენა და გამოცდილება უკრაინისთვის მაქსიმალური სარგებლის მოტანისთვის გამოიყენოს.

“რა თქმა უნდა, მიხეილ სააკაშვილი უკრაინაში ქვეყნის პრეზიდენტის მონაწილეობს გარეშე არ მოუწვევიათ. მიხეილი თანამდებობის თვალსაზრისით პატარა ადამიანი არაა და არც პატარა ბიჭია მოკლე შორტებში. იგი აცნობიერებდა, სადაც მიდიოდა. იგი ხვდებოდა, რომ აქ ორი პრეზიდენტი ვერ იქნებოდა, რომ უკრაინის პრეზიდენტი მხოლოდ ერთია – პოროშენკო, რომ მას მოუწევდა დირექტივების შესრულება.

კარგად არ ვიცნობ მიხეილ სააკაშვილს, თუმცა გარშემო მყავს ადამიანები, რომლებიც მის შესახებ დადებითსაც მეუბნებიან და უარყოფითსაც. იგი მუშაობდა რთულ დროებაში, ბევრი გააკეთა.

როგორც ვიცი, სააკაშვილს ორმაგი მოქალაქეობა არ აქვს. თუ არსებობს პრეტენზია იმის შესახებ, რომ უკრაინის პრეზიდენტი არ ასრულებს, ან არღვევს კანონს, არსებობს ყველანაირი საფუძველი იმისათვის, რომ შესაბამისი დოკუმენტი იქნას მიწოდებული საერთაშორისო სასამართლოსთვის, რომელმაც გადაწყვეტილება უკვე სხვა პრინციპებზე დაყრდნობით უნდა მიიღოს, საერთაშორისო კონვენციაზე დაყრდნობით, იქ ბევრი სხვადასხვა საკითხია, რომელიც ეხება მოქალაქეობის მიღებასა და ჩამორთმევას.

იმ შემთხვევაში, თუ მას უკვე აქვს უკრაინის მოქალაქეობა და უკვე უკრაინელად მიაჩნიათ და უკრაინელები მას ირჩევენ, ამას ხალხს ვერავინ აუკრძალავს, ვერც პირველი პრეზიდენტი, ვერც მეორე და ვერც მესამე. არსებობს ხალხის ნება, არსებობს კონსტიტუცია და არსებობს კანონი. როცა ხალხი ირჩევს, მაშინ ყველაფერი ხალხის ნებას ემორჩილება.

სააკაშვილს კარგად არ ვიცნობ და ზუსტ რჩევას ვერ მივცემდი, თუმცა ერთ ვეტყოდი: უსმინე საკუთარ გონებას, საკუთარ ხალხს და იფიქრე იმაზე, რომ შენ ხარ საქართველოს პრეზიდენტი და ისეთი ადამიანები, როგორიც შენ ხარ, მიხეილ, საქართველოში ბევრი არაა. ისტორია ამას აფიქსირებს, დადებითსაც და უარყოფითსაც, მაგრამ შენ პრეზიდენტი ხარ, ამიტომ, ყოველი შენი ნაბიჯი და სიტყვა უკრაინაში უბრალოდ არ ფასდება, არამედ ფასდება, როგორც ჭკვიანი ქართველის სიტყვა, შენ კი თან პრეზიდენტიც ხარ. ამიტომ, გამოძებნე ისეთი შესაძლებლობები, რომ საკუთარი გავლენა და გამოცდილება გამოიყენო იმისათვის, რომ უკრაინას მაქსიმალური სარგებელი მოუტანო”, – აცხადებს კრავჩუკი.

ipress.ge

დატოვეთ კომენტარი

კომენტარები

Загрузка...