იმ შემთხვევაში, თუ ევროკავშირის ქვეყნები ირანის მისამართით მუქარებს გააგრძელებს, ირანმა შესაძლოა თავისი ბალისტიკური რაკეტების ფრენის რადიუსი 2 ათას კილომეტრამდე გაზარდოს. ამის შესახებ ირანის ბრიგადის გენერალმა ჰუსეინ სალამმა განაცხადა.

მისი თქმით, ირანი აქამდე ტექნიკური სირთულეების გამო არ ზრდიდა ბალისტიკური რაკეტების ფრენის რადიუსს. მან აგრეთვე აღნიშნა, რომ სანამ თეირანი მიიჩნევს, რომ ევროპული ქვეყნები მისთვის საფრთხეს არ წარმოადგენს, არც მოწყობილობების მოდერნიზებას განახორციელებს. “თუმცა, თუ ევროპას უნდა, რომ დაგვემუქროს, ჩვენ ჩვენი რაკეტების ფრენის რადიუსს გავზრდით.” – აცხადებს სალამი.

გენერალს რა დაუკონკრეტებია, თუ რომელ ევროპულ ქვეყნებზეა საუბარი.

ირანის გარშემო არსებული სიტუაციის გამწვავება მას მერე დაიწყო, რაც 4 ნოემბერს, იემენის ტერიტორიიდან გაშვებული ბალისტიკური რაკეტა საუდის არაბეთის დედაქალაქ ერ-რიადში ჩამოაგდეს. როგორც სამეფოს სამხედროები აცხადებდნენ, თავდასხმის სამიზნე დედაქალაქის აეროპორტი იყო. 5 ნოემბერს კი აშშ-ის პრეზიდენტმა დონალდ ტრამპმა რაკეტის გაშვებაში ირანი დაადანაშაულა.

დატოვეთ კომენტარი

კომენტარები

Загрузка...