4G ქსელით, დედამიწაზე დასახლებული ტერიტორიის მხოლოდ ნაწილია დაფარული, BBC-ის ინფორმაციით, მანამ სანამ აუთვისებელი ნაწილიც დაიფარება, სატელეკომუნიკაციო კომპანიები Vodafone და Nokia ქსელის გაშვებას მთვარეზე აპირებენ.

კოსმონავტიკაში ფოტოების დიდი ნაწილი რეალურად შავ-თეთრია და შემდეგაა გაფერადებული. 4G ინტერნეტის მეშვეობით კი მთვარიდან მაღალი ხარისხის ფოტოებისა და HD ხარისხის ვიდეოს გამოგზავნა გახდება შესაძლებელი. სიგნალს 2 მთვარემავალი გაავრცელებს, რომელიც დედამიწის თანამგზავრზე 2019 წელს გაიგზავნება.

მთვარეზე პირველი პილოტირებული მისია 1969 წელს გაიგზავნა, მეექვსე და უკანასკნელი კი – 1972 წელს. დონალდ ტრამპს მასზე დაბრუნება სურს. SpaceX-ის ბოლოდროინდელი მიღწევები კოსმოსური ტურების გაიაფების იმედს იძლევა.

უცხო არც კოსმოსური ინტერნეტია. იმავე ილონ მასკმა 22 თებერვალს თანამგზავრი გაუშვა, რომელმაც ინტერნეტი Wi-Fi ტექნოლოგიის მეშვეობით კოსმოსიდან უნდა გაავრცელოს. მასკმა ტვიტერზე იხუმრა კიდეც, როდესაც დაწერა: “არავის უთხრათ, მაგრამ Wi-Fi-ის პაროლი არის “martians”.

დატოვეთ კომენტარი

კომენტარები

Загрузка...