ინტერნეტის გამოყენებით  ნარკოტიკული ნივთიერებების რეალიზების ფაქტზე დაკავებულ გიორგი გოგებაშვილსა და ნინო გეგელაშვილს თბილისის საქალაქო სასამართლომ აღკვეთის ღონისძიების სახით პატიმრობა შეუფარდა.

ბრალდებულებისთვის პატიმრობის შეფარდებას პროკურატურა ითხოვდა. პროკირურის განცხადებით, დაკავებულების მხრიდან არსებობს როგორც მიმავლის და მოწმეებზე ზემოქმედების, ასვე მორიგი დანაშაულის ჩადენის საფრთხეც.

ინტერნეტის გამოყენებით, ნარკოტიკული ნივთიერების გასაღების ბრალდებით ორი პირის დაკავების შესახებ შსს-მ 8 მაისს განაცხადა. 27 წლის ნინო გეგელაშვილი ბრალს ნაწილობრივ აღირებს.

ბოლო დღეებში, საქართველოში ალაპარაკდნენ ახალი ნარკოტიკის შესახებ, რომელმაც, არსებული ინფორმაციით, უკვე რამდენიმე ადამიანის, მათ შორის ახალგაზრდების სიცოცხლე იმსხვერპლა.

ეგრეთ წოდებული „მკვლელი მარილის“ (ეფედრინი) კავშირი ბოლო დღეებში დაღუპული ადამიანების სიკვდილთან დადასტურებული არ არის, თუმცა საზოგადოების ნაწილი ამ შესაძლებლობას აქტიურად განიხილავს

imedinews

დატოვეთ კომენტარი

კომენტარები

Загрузка...