ერთი კვირაა ჩემი სახლის  კარზე ზარი არ წყდება ( დარწმუნებული ვარ, თქვენც ასე ხართ). ვფიქრობ, ახლობელი, ოჯახის წევრი მოვიდა და სიხარულით ვუღებ კარს, თუმცა ვინც იქ მხვდება, მათი ბედის დაბედებას მტერსაც არ ვუსურვებ. ვის აძლევ? ( ზოგი ხმას აღარც ამბობს ისეა კარდაკარ ნაძანძალები და დაღლილი). ცხადია, გაგანია არჩევნებია და ხმა თავისით იგულისხმება. ერთ დღეს იმდენჯერ დამისვეს ეს კითხვა, ერთ-ერთ აგიტატორ-ხმისდამთვლელს ყვირილით მივაძახე, არავის არ ვაძლევ ქალბატონო, პატიოსანი ქალი ვარ მეთქი. ხუმრობა იქით იყოს და ჩემი აზრით, კითხვა, რომელიც დღეს, კანონით, დღის ბოლომდე და კანონდარღვევით შეიძლება ხვალამდეც აქტუალური იყოს, ყველაზე სკანდალურ კითხვათა შორის უნდა ჩაიწეროს, რადგან ხმაც იგივენაირად არის პირადად ჩემი, შენი, მისი,  როგორც გული, ღვიძლი, კუჭი და თუნდაც ის ორგანო, რომელზეც  ვულგარულად ამას ამბობენ ხოლმე. სამწუხაროდ, პოლიტიკაც ისეთივე ვულგარული და ბინძურია, როგორც ეს ქმედება, როცა ის საქვეყნო და კანონისა თუ მორალის ჩარჩოებიდან ხტება. ჩვენს ქვეყანაში კი ეს ყველაფერი მოსულა _ მაისურებზე, ქუდებზე, შეიძლება ტრუსებზეც… ვის აძლევ?-ის დაწერება. ცხადია, ჯერჯერობით მხოლოდ ხმას გულისხმობენ. ჩემდა გასაკვირად, ამ კითხვის პასუხებიც  უკვე გაჩნდა ქართულ სინამდვილეში (შეიძლება გოიმი ვარ და სხვა ქვეყნებში დიდი ხანია ასეა, მაგრამ მაინც!) და ამ ფორმით ადამიანები ძალიან თამამად ქუჩაშიც დასეირნობენ, აქციებზეც და ფოტოობიექტივის წინაც არაჩვეულებრივად პოზირებენ.  ამის დასამტკიცებლად  ნაციონალების აქციაზე უამრავი ფოტო გადავიღეთ. თუმცა უფრო საინტერესო იქნება `რატომ აძლევ?` კითხვის პასუხის დაწერებაც და ღიად, სიმართლის გამოაშკარავება.

ასეთ შემთხვევაში საზოგადოება  (თუ იაზროვნებს) 8 ოქტომბრის შედეგების მიზეზებზე მარტივად და იპერატიულად იმსჯელებს.  ხალხი ერთმანეთის სამოსიდან ამოიცნობს იმას, რასაც ცსკ ზოგჯერ თვეებს ანდომებს და ვიღაც-ვიღაცეები კიდევ ამ დროს აქციებს აწყობენ და გაჰყვირიან _ ამან გაგვიყალბა, იმან გაგვიყალბაო.

ცუდი ნოვაციაა? მეკუთვნის თუ არა ინოვაციაში პრიზი?  რადგან დრო ჯერ კიდევ არის, ნუ შეშინდებით.  მაისურის წინა ნაწილზე  დააწერეთ: ვის აძლევთ... ხმას? ` უკან კი _  რატომ აძლევთ?

მჯერა, ეს იდეა ქვეყანას წაადგება!!!

ახლა კი მიცემის… ცხადია, ხმის, ფოტოები:

img_6765

.

img_6787

.

img_6801

.

img_6817

.

img_6784

.

img_6793

.

img_6806

.

img_6780

.

img_6785

.

img_6795

.

img_6810

.

img_6766

წყარო postalioni.com

დატოვეთ კომენტარი

კომენტარები

Загрузка...