საქართველოს ადვოკატთა ასოციაციის თავმჯდომარე ზაზა ხატიაშვილი განცხადებას ავრცელებს:

,,ასეთი სამარცხვინო პროკურატურა საქართველოს ისტორიას არ ახსოვს. საქართველოს ადვოკატთა ასოციაციის თავმჯდომარეს რამდენჯერმე მომმართა მეორე ჯგუფის ინვალიდმა დავით დევიძემ. იმდენად შოკირებული ვარ მის მიმართ განხორციელებული ძალადობით, რომ მინდა მოგმართოთ საზოგადოებას, სადამდე უნდა ვითმინოთ პროკურატურის ასეთი თავხედობა? დავით დევიძე მეორე ჯგუფის ინვალიდია, 9 წლის ასაკში უბედური შემთხვევის შემდეგ, დაკარგა მარჯვენა ხელი. ხელის ამპუტაციის შემდეგ, იგი გახდა შრომის უუნარო და მის ერთადერთ შემოსავალს წარმოადგენდა მგზავრების გადაყვანა.

2014 წლის დეკემბერში „ჩვენი სასახელო“ პროკურატურის მხრიდან დავით დევიძეს წაეყენა ბრალი, ჩამოერთვა ავტომანქანა რითაც მეორე ჯგუფის ინვალიდი ირჩენდა თავს. ავტომანქანა გადაყვანილი იქნა საჯარიმო ავტოსადგომზე. დავით დევიძე, ორ წელზე მეტი ხნის განმავლობაში, იბრძოდა გამამართლებელი განაჩენისთვის. „მრუსიძეების“ სასამართლოს პირობებში სამივე ინსტანციის სასამართლომ დაადგინა გამამართლებელი განაჩენი დავით დევიძის მიმართ, რომელიც მანქანის ჩამორთმევის შემდეგ ერთადერთი შემოსავლის წყაროს გარეშე დარჩა. 2017 წლის 13 მარტს უზენაესი სასამართლოს განაჩენის შემდეგ, მეორე ჯგუფის ინვალიდი, გამართლებული დავით დევიძე უშედეგოდ ცდილობს გამოძიების მიერ უკანონოდ ჩამორთმეული ავტომანქანის დაბრუნებს. ორი კვირის წინ, მომმართა ადვოკატთა ასოციაციის თავმჯდომარეს, გავოგნდი მისი ისტორიით, ვიფიქრე, მთავარი პროკურორისთვის გვეცნობებინა მის მიმართ განხორციელებული უკანონობის თაობაზე და მივმართეთ წერილით, რომ დაებრუნებინათ საგამოძიებო ორგანოების მიერ უკანონოდ ჩამორთმეული ავტომანქანა.

მთავარი პროკურატურა, როგორც ხშირად ხდება, ნაცვლად ადამინისთვის კანონიერი მოთხოვნის დაკმაყოფილებისა, ცდილობს ინვალიდი ადამიანის განადგურებას. 2 მაისს მეორე ჯგუფის ინვალიდი, გამართლებული დავით დევიძე გამოცხადდა გამომძიებელ კახა კიკონიშვილთან და მოითხოვა უკანონოდ ჩამორთმეული ავტომანქანის დაბრუნება. გამომძიებელმა შეადგინა მიღება-ჩაბარების აქტი და გაატანა საგარეჯოს რაიონის სოფელ ბადიაურის სპეციალურ ავტოსადგომზე. ავტოსადგომზე განუმარტეს დავით დევიძეს, რომ იგი ვალდებულია გადაიხადოს დაახლოებით 5 000 ლარი, რომელიც აღემატება მეორე ჯგუფის ინვალიდის, გამართლებული დავით დევიძის ავტომანქანის ღირებულებას. მეორე ჯგუფის ინვალიდი, გამართლებული დავით დევიძე რამოდენიმეჯერ დაუკავშირდა გამომძიებელს და აუხსნა საქმის ვითარება, მაგრამ ამაოდ. დღეს დილით, მეორე ჯგუფის ინვალიდი, გამართლებული დავით დევიძე დახმარების თხოვნით ადვოკატთა ასოციაციაში მობრძანდა.

ეს არის ერთი უბრალო, ინვალიდი ადამიანის საქმის ისტორია, რომელსაც 9 წლის ასაკიდან არ აქვს მარჯვენა ხელი. მეორე ჯგუფის ინვალიდი, გამართლებული დავით დევიძის მიმართ გამოტანილ განაჩენში მითითებულია, რომ სისხლის სამართლის საპროცესო კოდექსის 92 მუხლის თანახმად, გამართლებულ დავით დევიძეს უფლება აქვს სახელმწიფოდან მოითხოვოს ზიანის ანაზღაურება. საქართველოს მთავრ პროკურატურას და კახეთის საოლქო პროკურატურას სისხლის სამართლის საპროცესო კოდექსის 92 მუხლი ესმით თავისებურად და მეორე ჯგუფის ინვალიდ, გამართლებული დავით დევიძეს უკანონოდ ჩამორთმეული ავტომანქანის საფასურს დაახლოებით 5000 (ხუთი ათას) ლარს ახდევინებენ უკანონოდ. რა შეიძლება ითქვას მეორე ჯგუფის ინვალიდი დავით დევიძის საქმეზე, დიდი არაფერი, „ბიძოს საოცარი მეხუთე წელი“, ადამიანების დევნა პოლიტიკურ ნიშნით, მშობლების აქტიურობის გამო, შვილებისთვის ნარკოტიკების ჩადება პოლიტიკური ნიშნით, მურუსიძეების აღზევება, შენობა -ნაგებობის გადაწვა და ა.შ .

მინდა ვუთხრა ივანიშვილს და მის მოურავებს, უბრალო ადამიანების დევნა არავის შერჩენია, მოვა დრო და ყველა აგებთ პაუხს, იტორია სიბინძურეებს არავის პატიობს”.

დატოვეთ კომენტარი

კომენტარები

Загрузка...