“გვარამია-ადეიშვილის ფარული სატელეფონო ჩანაწერი სისხლის სამართლის დანაშაულის ნიშნებს შეიცავს”, – ამის შესახებ “პრაიმტაიმს” საპარლამენტო უმრავლესობის ლიდერმა, არჩილ თალაკვაძემ განუცხადა. მისი თქმით, დროა პასუხი გაეცეს კონკრეტულ შეკითვებს იმასთან დაკავშირებით, თუ ვინ და რა მიზნით ახდენს ზეწოლას სასამართლო ხელისუფლებაზე.

“ბატონი გვარამიას ბრიფინგები დაემსგავსა შუა საუკუნეებში მჩაგვრელი ბატონის საუბარს საკუთარ ყმებთან. მინდა შეავხსენო, რომ მათი ბატონობის დრო დამთავრდა და დაფიქრდეს, სჯერა თუ არა საზოგადოებას მისი ბრიფინგების. დიახ, ჩვენ გვაქვს შეკითვები და ამ შეკითხვებს უმოკლეს დროუში უნდა გაეცეს პასუხი – ხომ არა აქვს “ნაციონალური მოძრაობის” მხრიდან სასამართლოს საქმიანობაზე ზეგავლენის მოხდენას? ფაქტია, რომ ისინი არ აძლევენ საშუალებას სასამართლოს, რათა მშვიდად და პროფესიონალურად განიხილოს საქმე. მათ სურთ, რომ ეს საქმე გადაიჭრას პოლიტიკურად. რაც შეეხება ჩანაწერებს, ცხადია, უნდა დადგინეს მისი ავთენტურობა, თუმცა ამ მოცემულობით შემიძლია გითხრათ, რომ ეს საუბარი ცალსახად შეიცავს სისხლის სამართლის დანაშაულის ნიშნებს. თუ დადგინდება, რომ ეს ნამდვილად მათი საუბარია, ჩემი აზრით, აუცილებლად უნდა მოჰყვეს რეაგირება.  ჩვენი ხელისუფლების პირობებში მედია არის თავისუფალი და მრავალფეროვანი. ვინ გვესაუბრება სასამართლოს დამოუკიდებლობაზე? ეს დამოუკიდებლობა სასამართლო სისტემამ რეალურად ჩვენი მართველობის დროს მოიპოვა. გაიხსენეთ რა ხდება მათ დროს. სასამართლო იყო ნოტარიუსად ქცეული, მოსამართლეებზე აგროვებდნენ კომპრომატებს, რომელსაც, არ გამოვრიცხავ, რომ დღესაც იყენებდნენ”, – განაცხადა საპარლამენტო უმრავლესობის ლიდერმა, არჩილ თალაკვაძემ.

შეგახსენებთ, რომ დღეს ინტერნეტში გავრცელდა ფარული ჩანაწერი. უკრაინული პორტალის ინფორმაციით, აუდიოჩანაწერი საქართველოს იუსტიციის ყოფილი მინისტრის, ზურაბ ადეიშვილისა და ტელეკომპანია „რუსთავი 2“-ის გენერალური დირექტორის, ნიკა გვარამიას საუბარს ასახავს.
საუბარი „რუსთავი 2“-ის საქმესთან დაკავშირებულ სასამართლო პროცესს შეეხება.

primetime.ge

დატოვეთ კომენტარი

კომენტარები

Загрузка...