გერმანიაში, ჰამბურგში მიმდინარე დიდი ოცეულის სამიტზე დონალდ ტრამპის ქალიშვილმა ივანკა ტრამპმა მსოფლიო ლიდერებს შორის მამის ადგილი დაიკავა, რასაც სოციალურ მედიაში მწვავე კრიტიკა მოჰყვა – ამის შესახებ BBC წერს.

მედიასაშუალების ჟურნალისტი ჰამბურგიდან იტყობინება, რომ ივანკა მამის ადგილას მაშინ განთავსდა, როდესაც ტრამპმა სამიტი ინდონეზიის ლიდერთან შეხვედრის მიზნით დატოვა.

როდესაც აშშ-ის პრეზიდენტი უკან დაბრუნდა, რათა დიდი ბრიტანეთის პრემიერ-მინისტრსა და ჩინეთის პრეზიდენტს შორის თავისი ადგილი დაეკავებინა, იქ უკვე ივანკა იჯდა.

სოციალურ მედიაში დონალდ ტრამპის ქალიშვილის საქციელი გააკრიტიკეს და უპრეცედენტო ფაქტად შეაფასეს.

BBC-ის ჟურნალისტი ხაზს უსვამს, რომ მამის არყოფნის პერიოდში, ივანკა ტრამპს აფრიკის მიგრაციისა და ჯანდაცვის საკითხებზე მსჯელობაში სამიტის სესიის დროს რაიმე წვლილი არ შეუტანია.


ივანკა ტრამპმა დიდი ოცეული სამიტის ფარგლებში გამართულ შეხვედრაში მონაწილეობა გუშინაც მიიღო. ის გერმანიის კანცლერ ანგელა მერკელთან და საერთაშორისო სავალუტო ფონდის ხელმძღვანელ კრისტინ ლეგარდთან ერთად დაესწრო ღონისძიებას, რომელიც სამეწარმეო და საფინანსო სფეროში ქალთა მონაწილეობას მიეძღვნა.

1tv.ge

დატოვეთ კომენტარი

კომენტარები

Загрузка...