კვებასთან დაკავშირებით არსებული მოსაზრებების მიხედვით, თეთრი პური ძალიან სწრაფად გადამუშავდება, სისხლში შაქრის დონეს ზრდის და იწვევს სიმსუქნეს. მოკლედ რომ ვთქვათ, თეთრი პური ჯანსაღი კვების მტერია. 
 “ბოლო ათი წლის განმავლობაში პურზე დიდი შეტევა ხორციელდება”. ამაში პროფესორი ზუ ვეიბიაო, სინგაპურის ეროვნული უნივერსიტეტის საკვები პროდუქტების მკვლევარი არ ცდება. როგორია ზუს პასუხი ამ პრობლემაზე? მან იასამნისფერი პური გამოიგონა!
იგი მდიდარია კიბოსთან ბრძოლის შემცველი პრეპარატებით, 20%–ით უფრო ნელა მოსანელებელია, ვიდრე ჩეულებრივი თეთრი პური და მთლიანად ბუნებრივი ნაერთების შემცველია. ის შეიძლება იყოს პირველი განსაკუთრებული გამომცხვარი ცომეული მსოფლიოში.
ცხობა
ძირითადი საკვები პროდუქტის, პურის დიდი პრობლემა არის მისი მაღალი გლიკემიური ინდექსი: მისი შაქრიანობა სწრაფად აღწევს სისხლის ნაკადში, რაც იწვევს სისხლში შაქრის დონის პიკს და შოკს. გარდა ამისა, მისი სწრაფად ათვისებადი სახამებლის შემცველობა ნიშნავს იმას, რომ ადამიანები ხშირად მას მეტს ჭამენ, ვიდრე უნდა მიიღონ. “გამოწვევა მდგომარეობდა იმაში, თუ შევძლებდით პურის ფორმულის შეცვლას თეთრი პურის ტექსტურის შეცვლის გარეშე, რის გამოც ადამიანებს ის უყვართ”, აცხადებს ზუ.
მან გადაწყვიტა შავი ბრინჯიდან გამოეღო ანტოციანინი – ზრდის გამომწვევი პიგმენტები, რომელიც ბევრად უფრო მეტ ანტიოქსიდანტურ თვისებებს აძლევს მარცვლეულს და შეეყვანა პურში. ზუმ ბრინჯის სახამებლის თვისებები დატოვა. “მიუხედავად მისი ანტიოქსიდანტური აქტივობისა და მასთან დაკავშირებული ჯანმრთელობისთვის სასარგებლო თვისებებისა, ანტოციანინების გამოყენების ცოდნა, როგორც საკვები პროდუქტების ინგრედიენტისა შეზღუდული იყო”.
პურისთვის ანტოციანინების დამატება პურს მხოლოდ იასამნისფრად არ აქცევს: სახამებლის ფერმენტებთან ქიმიური რეაქციის გამო, იგი ანელებს მონელების ხარისხს 20%–მდე. უფრო მეტიც, 80% ანტიოქსიდანტური თვისებები შემორჩენილია პურის ქერქში და ნაწილაკებში, როდესაც ის 200 გრადუს ცელსიუსზე ცხვება.
“თუ გსურთ მიიღოთ თეთრი პურის ტექსტურა და შეანელოთ საჭმლის მონელება, ეს არის ალბათ საუკეთესო ფორმულა,” ამბობს ზუ. “და არც ფერია ცუდი”
იისფერი ფერი
ანტოციანინი ბუნებრივი პიგმენტია, რომელიც გვხვდება ხილსა და ბოსტნეულში, როგორიცაა ყურძენი, შავი მოცხარი და ტკბილი კარტოფილი და პასუხისმგებელია მათი ფერის ტონალობაზე. “მაგრამ ყველა მეწამული ხილი არ არის განსაკუთრებული”, გვაფრთხილებს ზუ და მოჰყავს ზოგიერთი კაქტუსის ნაყოფის და პიტაიას მაგალითი. კვლევებმა აჩვენა, რომ ანტოციანინები ეხმარება სისხლძარღვთა, ნევროლოგიური დაავადებების და კიბოს პრევენციას და დიდ როლს თამაშობს სიმსუქნისა და დიაბეტის გაკონტროლებაში, რადგან მათ შეუძლიათ შეზღუდონ კუჭის ფერმენტები და შეამცირონ გლუკოზის დონე.
კალორიების რაოდენობა
იისფერი პური შეიძლება უფრო ჯანსაღი საკვები იყოს, ვიდრე თეთრი პური, მაგრამ აქვს კი მას უფრო დაბალი კალორიების რაოდენობა? “თქვენ იგივე ოდენობით სახამებელს და პურის ფქვილს იღებთ, ასე რომ კვებითი ღირებულება იგივეა. ძირითადი იდეა აქ არის ენერგიის გამოყოფის შენელება, რაც საშუალებას იძლევა ეს კალორიები დროის უფრო ხანგრძლივ პერიოდში გამოიყენოთ”, განმარტავს ზუ.
მიუხედავად იმისა, რომ იასამნისფერი პური არ არის ჯერ კომერციულად ხელმისაწვდომი, ზუს უკვე დაუკავშირდნენ ძირითადი საკვები მწარმოებლები მის ბაზარზე შემოსატანად. ზუმ ზოგიერთს მეოცნებე აზრები გაუჩინა. “სამხრეთ აფრიკიდან ერთი კაცი აღფრთოვანებული დამიკავშირდა. მას აინტერესებდა თუ ექნებოდა იგივე ეფექტი ანტოციანინის შოკოლადში შეყვანას. მე ვუთხარი, თქვენ შეგიძლიათ მიიღოთ ანტიოქსიდანტური ფუნქცია, მაგრამ თქვენ არ გაქვთ იგივე სახამებელი შოკოლადში, ასე რომ მას არ ექნება იგივე რეაქცია “, განმარტა ზუმ.
.
.
160317102216-purple-cauliflower-2-exlarge-169
იისფერი ყვავილოვანი კომბოსტო არ არის შეღებილი. მისი ფერი ბუნებრივია ანტოციანინის შემცველობის გამო.
წყარო: postalioni.com

დატოვეთ კომენტარი

კომენტარები

Загрузка...