იაპონიაში სექტა “აუმ სინრიკეს” კიდევ 6 წევრი სიკვდილით დასაჯეს. ამით, 2018 წლის განმავლობაში შესრულებაში მოიყვანეს 13 ადამიანი სიკვდილით დასჯის ვერდიქტი. ინფორმაციას Associated Press-ი ავრცელებს.

6 ივლისს ექსტრემისტული სექტის, „აუმ სინრიკეს“ დამფუძნებლის, სეკო ასაჰარასა და სექტის კიდევ სამი წევრისთვის 14 წლის წინ გამოტანილი სასიკვდილო განაჩენი აღასრულეს.

ისინი ბრალდებულნი იყვნენ 1995 წელს, ტოკიოს მეტროში გაზის, „ზარინის“ გამოყენებით 13 ადამიანის მკვლელობაში. თავდასხმის შედეგად მოიწამლა კიდევ 6 ათასზე მეტი ადამიანი. 2004 წელს გამოტანილი სასიკვდილო განაჩენი ადვოკატებმა ყველა ინსტანციაში გაასაჩივრეს და მივიდნენ იაპონიის უზენაეს სასამართლომდეც, რომელმაც სასჯელის უმაღლესი ზომა – ჩამოხრჩობა ძალაში დატოვა.

სეკო ასაჰარამ „აუმ სინრიკე,“ როგორც რელიგიური სექტა, 1987 წელს დააფუძნა. სხვადასხვა მონაცემით, სექტაში გაწევრიანებული იყო 30 000-50 000 ადამიანი. ასაჰარას საკმაოდ ბევრი მიმდევარი ჰყავდა რუსეთში.

სექტის ადეპტები ქადაგებდნენ სამყაროს აღსასრულს და ამტკიცებდნენ, რომ მხოლოდ „აუმ სინრიკეს“ წევრები გადარჩებოდნენ. მოგვიანებით, სექტა გადაიქცა ძალადობრივ დაჯგუფებად, რომელიც მოწინააღმდეგეებს ფიზიკურად უსწორდებოდა.

დატოვეთ კომენტარი

კომენტარები

Загрузка...