უკვე ერთი თვეზე მეტი გავიდა მას შემდეგ, რაც ქალაქ თბილისის ქუჩებში გარემოს დაბინძურებისთვის მოქალაქეებს „თბილსერვის ჯგუფის“ ინსპექტორები აჯარიმებენ.

ამ ხნის განმავლობაში, როგორც აღმოჩნდა, გამოიწერა 411 საჯარიმო ოქმი. აქედან, 300–ზე მეტი ჯარიმა 2 კილოგრამამდე ნაგვის გადაყრის გამო დაიწერა. ჯარიმების ოდენობამ, საერთო ჯამში, 42 ათას ლარს გადააჭარბა. აღსანიშნავია, რომ დაჯარიმებულთაგან 151 უცხო ქვეყნის მოქალაქეა.

“თბილსერვის ჯგუფის” ზედამხედველობის სამსახურის ქვეითი ინსპექტორები დედაქალაქის ქუჩებში 3 აპრილიდან გამოჩდნენ. პირველი ორი კვირის განმავლობაში მათ გამოჩენას ინფორმაციული სახე ჰქონდა – ისინი მოქალაქეებს მომავალ სანქციებთან დაკავშირებით აფრთხილებდნენ და ნარჩენის ურნაში ჩაყრისკენ მიუთითებდნენ.

“ნარჩენების მართვის კოდექსის” შესაბამისად, მათზე დაკისრებული უფლებამოსილების ფარგლებში “თბილსერვის ჯგუფის” ზედამხედველობის სამსახურის ინსპექტორებმა საჯარიმო ოქმების შედგენა 20 აპრილიდან დაიწყეს. შეგახსენებთ, რომ 2 კილოგრამამდე ნაგვის დაყრა 80 ლარით ისჯება.

PRESA.GE

დატოვეთ კომენტარი

კომენტარები

Загрузка...