თბილისის მერია დიდი წმენდის მოლოდინშია. ვინ წავა და ვინ შეინარჩუნებს თანამდებობას კახა კალაძის მერობის პირობებში, ეს ორშაბათს გახდება ცნობილი. ამ ეტაპზე მხოლოდ ვარაუდების გამოთქმა შეიძლება. ვრცელდება ცნობა, რომ თბილისის მერიაში განაგრძობს მუშაობას დავით ნარმანიას მხოლოდ ერთი მოადგილე- ირაკლი ლექვინაძე. ასევე შესაძლებელია პოსტებზე დატოვონ მხოლოდ ორი სამსახურის უფროსი, დანარჩენებს კი დავით ნარმანიასთან ერთად წასვლა მოუწევთ. საკადრო ცვლილებები გამგეობებსაც შეეხება.

სამი წლისა და სამი თვის მუშაობის შემდეგ მერის პოსტიდან დავით ნარმანია დღეს მთავრობამ გააცილა. ამ შეხვედრას საქართველოს პრემიერი და ქართული ოცნების თავმჯდომარე გიორგი კვირიკაშვილიც დაესწრო. ღონისძიებას მერიის ის თანამშრომლებიც ესწრებოდნენ, რომელთა ადგილიც ორშაბათიდან ამ უწყებაში, სავარაუდოდ, ვაკანტური იქნება.

კახა კალაძე თბილისის მერის ფუნქციების განხორციელებას 12 ნოემბრიდან შეუდგება.

21 ოქტომბერს საქართველოში ჩატარებული თვითმმართველობის არჩევნების შედეგების მიხედვით, მერმა კახა კალაძემ არჩევნებში ხმათა 51.09% მიიღო.

დატოვეთ კომენტარი

კომენტარები

Загрузка...