დედამიწაზე ყველაზე მაღალ მწვერვალად ევერესტი იგივე ჯომოლუნგმა ითვლება. შეესაბამება თუ არა გავრცელებული მოსაზრება სინამდვილეს ეს გაზომვის მეთოდზეა დამოკიდებული.

როგორც წესი მწვერვალის და სხვა ყველა გეოგრაფიული პუნქტის სიმაღლეს ზღვის დონიდან ზომავენ. ასეთ შემთხვევაში ევერესტი მარლაც უალტერნტიოა. მისი სიმაღლე ზღვის დონიდან 8848 მეტრს შეადგენს და ჰიმალაის მთათა სისტემაზე ნეპალში მდებარეობს. მისი დალაშქვრა მხოლოდ 1953 წელს შეძლეს ედმუნდა ჰილარიმ და ტენციგ ნორგეიმ. ყარაყორუმის მთათა სისტემა ჰიმალაის გაგრძელებაა, კორდიილირეებისა და ანდების მსგავსად.

ევერესტზე 237 მეტრით დაბალი K2, რომელიც პროფესიონალი ალპინისტების 1/3-ს იწირავს ყარაყორუმში მდებარეობს. მისი დალაშქვრა კიდევ უფრო გვიან 1954 წელს მოახერხეს. ამ ორ მწვერვალს შორის პირდაპირი მანძილი 1317 კილომეტრია. დედამიწაზე 8 ათას მეტრზე უფრო მაღალი სულ 14 მწვერვალია 10 ჰიმალაიზე, 4 კი ყარაყორუმზე.

მაგრამ თუ მწვერვალების გაზომვას ზღვის დონიდან კი არა მისი ძირიდან დავიწყებთ სიტუაცია შეიცვლება. ასეთი დათვლით ჰავაიზე მდებარე მაუნა კეა 10200 მეტრი გამოდის რომლის სიმაღლეც ზღვის დონიდან მხოლოდ 4206 მეტრია.

თუ გაზომვას დედამიწის ცენტრიდან დავიწყებთ მაშინ პირველობა ჩიმბურასოს ეკუთვნის, ანდებში მდებარე მწვერვალს, რომელიც ზღვის დონიდან 6263 მეტრზე მდაბარეობს, დედამიწის ცენტრიდან კი 6384 კილომეტრი აშორებს, ევერესტზე 2 კილომეტრით მეტი. ასეთი სხვაობა იმან წარმოშვა, რომ დედამიწა იდეალური ფორმის სფეროს არ წარმოადგენს, მისი ეკვატორული რადიუსი 6378.1 კილომეტრია, პოლარული კი 6356.8 კილომეტრი.

კიდევ ერთი პრედენდენტი კილიმანჯაროა, 5895 მეტრის სიმაღლის მწვერვალი ტანზანიაში. ის რომელიმე მთათა სისტემას არ განეკუთვნება და განცალკევებით დგას დაბლობზე.

საქართველოში უმაღლესი მწვერვალი შხარაა, 5201 მეტრი, ყველაზე რთულად დასალაშქრად კი უშბა მიიჩნევა ორთავიანი მწვერვალი, 4690 და 4700 მეტრი.

რაც შეეხება მზის სისტემას უმაღლესი მწვერვალი ოლიმპის მთაა მარსზე, მისი სიმაღლე საფუძვლიდან 27 კილომეტრს აღწევს, მარსის საშუალო ზედაპირიდან კი 25-ს. მარსის მცირე ზომიდან გამომდინარე მწვერვალის სიმაღლე უფრო შთამბეჭდავად გამოიყურება, რასაც ვერ ვიტყვით მისი ფერდის დახრის გრადუსულ ზომაზე.

m2b

დატოვეთ კომენტარი

კომენტარები

Загрузка...