რუსთავში, 17 სექტემბერს რუსთავქალაქობა აღინიშნა. ამ დღეს, ქალაქის ცენტრში უამრავმა ადამიანმა მოიყარა თავი, სადაც მოეწყო ხელნაკეთი ნივთების გამოფენა-გაყიდვა, ბავშვებისთვის დადგეს სხვადასხვა სახის გასართობი ატრაქციონი, სტუმრებს ეგებებოდნენ მულტფილმების გმირები.
მოზეიმე ადგილობრივებს დღესასწაული N29 რუსთავის საარჩევნო ოლქის მაჟორიტარი დეპუტატობისკანდიდატმა პატრიოტთა ალიანსიდან, თორნიკე არევაძემ მიულოცა. ბატონი თორნიკე რუსთავში დაბადებული და გაზრდილია. მან თავის ქალაქს უსურვა ისტორიული ფუნქციის დაბრუნება – სტრატეგიული როლის შესრულება ქვეყნის განვითარებაში და თანაქალაქელებს, სამართლიანი, ღირსეული და უკეთესი მომავლის შესაქმნელად, ერთად დგომისკენ მოუწოდა .
რუსთავქალაქობაზე მაჟორიტარობის კანდიდატის მისვლამ ადგილობრივები ძალიან გაახარა. ისინი თორნიკე არევაძეს ულოცავდნენ დღესასწაულს და წინასაარჩევნოდ ამხნევებდნენ. დეპუტატობის კანდიდატი ესაუბრა მათ და ფოტოებიც გადაიღო.
სპეციალურად ამ დღისთვის მოედანზე გამოტანილი ჭადრაკის დაფის დანახვისას მაჟორიტარობის კანდიდატმა ცდუნებას ვერ გაუძლო და თამამად მოთავსდა მაგიდასთან მსურველებთან თამაშის დაწყების მოლოდინში. მოპაექრეც მალე გამოჩნდა – მრავალგზის გამარჯვებული საჭადრაკო ტურნირებში. მართალია მაჟორიტარობის კანდიდატს იქ შეკრებილი მოქალაქეების სახით გულშემატკივართა მთელი ამალა ჰყავდა, მაგრამ მოწინააღმდეგემ დაძაბულ ორთაბრძოლაში მაინც აჯობა მეტოქეს. დამარცხებული მაჟორიტარობის კანდიდატი გულშემატკივრებისგან გამხნევებას არ დაელოდა და თავად გაამხნევა ისინი. მან შეკრებილებს წაგებისა და მოგების ისტორიული ძმობა შეახსენა და გეზი მოსახლეობის იმ ფენებთან შესახვედრად აიღო, რომელთათვისაც აგერ უკვე თხუტმეტი წელია ვერცერთი დღესასწაული ვეღარ დღესასწაულობს.

დატოვეთ კომენტარი

კომენტარები

Загрузка...