როგორც San Antonio Express-News იუწყება “სან ანტონიო სპურსის” ერთ-ერთმა ფანმა უჩივლა ზაზა ფაჩულიას ტეხასის შტატის სასამართლოში კავაი ლეონარდისთვის ტრავმის მიყენებისთვის.
ფანმა, რომლის სახელი და გვარია ხუან ვასკესი, სასამართლოში უჩივლა ზაზას და კომპენსაციის სახით (მორალური ზიანისთვის) 73 ათასი დოლარი მოითხოვა, თუმცა მისი მთავარი მოთხოვნაა, NBA-ს მოედნებზე შეწყდეს ზაზა ფაჩულიას უხეშობები.
“ჩვენ მხოლოდ იმას ვითხოვთ, რომ ეს სახიფათო მოქმედებები, რომლებმაც შეიძლება გამოიწვიოს (და უკვე გამოიწვია) სერიოზული ტრავმები, აღიკვეთოს სან ანტონიოს მოედანზე”, – განაცხადა ვასკესის ადვოკატმა ალფონსო კენარდ ჯუნიორმა.
NBA-ს ხელმძღვანელობამ უკვე გადაწყვიტა, რომ იმ ეპიზოდისთვის ზაზა ფაჩულია არანაირ სასჯელს არ იმსახურებს.

დატოვეთ კომენტარი

კომენტარები

Загрузка...